තවත් වෙළෙඳ කලාප තුනක්

හම්බන්තොට වෙළෙඳ කලාපයට අමතරව ඉදිරි වසර දෙකක කාලය තුළදී තවත් වෙළෙඳ කලාප තුනක් ආරම්භ කරන බවත්, එක්වරම මෙම වෙළෙඳ කලාප තුන ආරම්භ කරන අතර, මේ අනුව බිංගිරිය, වැලිගම, කළුතර ප්‍රදේශවල මෙම වෙළෙඳ කලාප ඇති කරන බවත් අග්‍රාමාත්‍ය රනිල් වික්‍රමසිංහ මහතා සඳහන් කළේය.

රාජ්‍ය කළමනාකරණ සහකාර සේවය සඳහා බඳවාගත් 4511 දෙනෙකුට පත්වීම් ලිපි ලබාදීමේ අවස්ථාවට අද (14 දා) සහභාගි වෙමින් ඒ මහතා මේ බව සඳහන් කළේය.

1978 වසරේ සිට 1992 දක්වා මෙරට තුළ ඇති කර තිබෙන්නේ වෙළෙඳ කලාප හතරක් පමණක් බවත්, එහෙත් වසර දෙකක් තුළ වෙළෙඳ කලාප හතරක් ඇතිකිරීමට සැලසුම් කර තිබෙන බවත් අග්‍රාමාත්‍යවරයා මෙහිදී වැඩිදුරටත් කියා සිටියේය.

ඡායාරූප ඉසුරු පෙරේරා