තඹුත්තේගම මාරක රිය අනතුරක්

තඹුත්තේගම තම්මන්නෑව ප්‍රදේශයේදි අද(22) අලුයම තිදෙනෙකු ගමන්ගත් යතුරුපැදියක ඊට පිටුපසින් පැමිණි මෝටර් රථයක් හා ගැටීමෙන් යතුරුපැදියේ ගමන්ගත් එක් අයෙකු මියගොස් අනෙත් දෙදෙනා බරපතල තුවාලලබා අනුරාධපුර ශික්ෂණ රෝහලට ඇතුලත්කර ඇති බව තඹුත්තේගම පොලිසිය පවසයි.

මෙම අනතුරින් මියගොස් ඇත්තේ මැහිඇල්ලෑව පදිංචි විමලසිරිගේ සෝමසිරි (අවු.42 ) නැමති දෙදරු පියෙකි.මැහි ඇල්ලෑවම පදිංචි පි.එම්.ආනන්ද ජයලත් හා සුමිත් කුමාර නැමති යතුරු පැදියේ ගමන්ගත් අනෙත් දෙදෙනා මෙසේ බරපතල තුවාල ලබා අනුරාධපුර ශික්ෂණ රෝහලට ඇතුලත්කර තිබෙන බව හෙතෙම වැඩි දුරටත් පොලීසිය සඳහන් කරයි.

තඹුත්තේගම පොලිසියේ නිලධාරින් විසින් අනතුර සිදුකල මෝටර් රථය අත්අඩංගුවටගත් බව සැලවිමෙන් පසු සැකකරු නිතිඥයකු මාර්ගයෙන් තඹුත්තේගම පොලිසියට බාරවි ඇති අතර පොලීසිය මේ සිඳුවීම සම්බන්ධව වැඩි දුර විමර්ෂණ කටයුතු පවත්වයි.

තමුත්තේගම නන්දන කුමාර