ජාතික හෙළ උරුමයේ යෝජනා ගැන බලන්න කමිටුවක්

ජාතික හෙළ උරුමය හා ශ්‍රී ලංකා නිදහස් පක්ෂ නායකයන් අතර අද (27දා) රාත්‍රියේ අරලියගහ මන්දිරයේ පැවැති සාකච්ඡාවේදී විශේෂ කමිටුවක් පත්කර ගැනීමට දෙපාර්ශ්වයම එකඟවී තිබේ.

ඒ අනුව නිමල් සිරිපාල ද සිල්වා, සුසිල් ප්‍රේම්ජයන්ත, ඩලස් අලහප්පෙරුම, පාඨලී රණවක, උදය ගම්මන්පිල යන මහත්වරුන්ගෙන් සමන්විත මෙම කමිටුව විසින් ජාතික හෙළ උරුමයේ යෝජනා සම්බන්ධව ඉදිරියේදී දීර්ඝව සාකච්ඡා කිරීමට නියමිතය.

සවස 6.00 ට පමණ ආරම්භ පැය 2 ½ ක කාලයක් පැවැති සාකච්ඡාව සඳහා ජනාධිපතිවරයා සහභාගි නොවූ අතර, ශ්‍රී ලංකා නිදහස් පක්ෂය නියෝජනය කරමින් බැසිල් රාජපක්ෂ, මෛත්‍රීපාල සිරිසේන, ජෝන් සෙනෙවිරත්න, නිමල් සිරිපාල ද සිල්වා, සුසිල් ප්‍රේමජයන්ත යන මහත්වරුන්ද, ජාතික හෙළ උරුමයේ පූජ්‍ය අතුරලියේ රතන හිමියන්ද, පාඨලී රණවක, උදය ගම්මන්පිල, අනුරුද්ධ ප්‍රදීප් යන මහත්වරුද එක්ව සිටියහ.