ජාතික රැකියා සේවා මධ්‍යස්ථානය බත්තරමුල්ලේ

රජයේ රැකියා දස ලක්ෂයේ වැඩසටහන සම්බන්ධීකරණය කිරීම සඳහා අලුතින් ඇති කළ මිනිස්බල හා කම්කරු දෙපාර්තමේන්තුවේ ජාතික රැකියා සේවා මධ්‍යස්ථානය බත්තරමුල්ල සෙත්සිරිපායේදී අද (15දා) පෙරවරුවේ විවෘත කෙරිණි.

කම්කරු හා වෘත්තිය සමිති සබඳතා අමාත්‍යාංශය යටතේ පාලනය වන මෙම මධ්‍යස්ථානය විවෘත කිරීමේ අවස්ථාවට විෂය භාර අමාත්‍ය ජෝන් සෙනෙවිරත්න, රාජ්‍ය අමාත්‍ය රවින්ද්‍ර සමරවීර ඇතුළු පිරිසක් එක්ව සිටියහ.

රැකියා දස ලක්ෂයේ වැඩසටහන ක්‍රියාත්මක කිරීමේදී රාජ්‍ය හා පෞද්ගලික අංශයේ ආයතන සම්බන්ධීකරණය කිරීමත්, එම රැකියා අවස්ථා සඳහා සුදුසුකම් සපුරන අය යොමුකිරීමත් ජාතික රැකියා සේවා මධ්‍යස්ථානය හරහා සිදුවන බව ජෝන් සෙනෙවිරත්න මහතා මෙහිදී සඳහන් කළේය.

ඡායාරූප - ශමීර රාජපක්ෂ