ජවිපෙ සහාය ආණ්ඩුවට නෑ, ඇමතිකම් එපා කියයි

ජනාධිපති මෛත්‍රීපාල සිරිසේන මහතාගේ ආණ්ඩුවට සහාය පළකිරීම හෝ අමාත්‍යධුර ලබාගැනීම තම පක්ෂය සිදුනොකරන බව ජනතා විමුක්ති පෙරමුණ පවසයි.

පැලවත්ත පක්ෂ මූලස්ථානයේ අද (12දා) පෙරවරුවේ පැවැති මාධ්‍ය හමුවකදී අදහස් දැක්වූ ජනතා විමුක්ති පෙරමුණේ නායක අනුර කුමාර දිසානායක මහතා සඳහන් කළේ සිය පක්ෂයේ ස්ථාවරය ජාතික විධායක සභාවක් පත්කොට එමගින් රටට ජයග්‍රහණ ලබාදීම බවයි.

විශාල පරිවර්තනයක් සඳහා දින 100 ක් ප්‍රමාණවත් නැතැයි සඳහන් කළ ඒ මහතා යම් සාධනීය පියවරයන් මෙම දින 100 තුළ ගතහැකි බවද සඳහන් කළේය.