ජනපති දුරකථනයෙන් බැන්නා - හිරුණිකා

සිය පියාගේ අවසන් කටයුතු සිදුකළදින කතාවෙන් පසු ජනාධිපති මහින්ද රාජපක්ෂ මහතා දුරකථනයෙන් අමතමින් තමන්ට බැණවැදුණු බවත්, බස්නාහිර පළාත් සභා මන්ත්‍රිනී හිරුණිකා ප්‍රේමචන්ද්‍ර මෙනවිය සඳහන් කළාය.

තමා සහ මව ගෙදරින් පන්නා දමන්නැයි හම්බන්තොට නගරාධිපති එරාජ් ප්‍රනාන්දු හට ජනාධිපතිවරයා උපදෙස් ලබාදී තිබුණු බවද ඇය කීවාය.

අනවශ්‍ය කතා පවත්වමින් ආණ්ඩුව පෙරළන්න හදවාදැයි ඒ සමයේ ජනාධිපතිවරයා දුරකථනයෙන් කතා කර බැන වැඳුණු බවද ඇය ප්‍රකාශ කළාය.

විහාරමහාදේවි එළිමහන් රංග පීඨයේ පැවැති පොදු අපේක්ෂක මෛත්‍රීපාල සිරිසේන මහතාට සහය පළ කරමින් කාන්තා සමුළුව අමතමින් මන්ත්‍රීවරිය මේ බව පැවසුවාය.