ගාල්ලට තද වැසි

ගාල්ලට  අද (30දා) පස්වරුවේ ඇදහැලුණ අධික වර්ෂාව හේතුවෙන් ගාල්ල නගරයේ මාර්ග රැසක් ජලයෙන් යටවී තිබේ.  මේ හේතුවෙන් ගමනාගමනයට  දැඩි බාධා එල්ලවී ඇති අතර මහවීදියේ වෙළෙඳසැල් කිහිපයක් ජලයෙන් යටව පවතී.

පස්වරු 2.30 ට පමණ ආරම්භ වූ වර්ෂාවත් සමග ගාල්ල මහවීදිය ටුලිබට් ටවුම අතුරු මාර්ගය, ගාල්ල ප්‍රධාන බස්නැවතුම්පළ අසල ගාමිණී මාවත, අබ්දුල් වහබ් මාවත, ඩික්සන් හන්දිය, ගාල්ල බද්දෙගම මාර්ගය දංගෙදර ප්‍රදේශයද මෙසේ ජලයෙන් යටවිය.

එකවර පතිත වන දැඩි වර්ෂාවත් සමග ගලායන ජලය රඳවා තබා ගැනීමට නගරයේ කාණු පද්ධතීන් ප්‍රමාණවත් නොවීම හේතුවෙන් අඩ පැයකට ආසන්න කාලයක් අධික වර්ෂාව පැවතුණහොත් නගරය ජලයෙන් යටවීමේ තර්ජනයට ලක්වන බව නගරවාසීහු පැවසූහ.‍