ගමේ නම් පත්තරකාරයන්ට කනට ගහනවා

“ පක්ෂයේ සමගියක් නෑ කියලා පත්කර කාරයෝ බොරුවට පුවත් පළ කරනවා. ගමේ නම් ඔවුන්ට අල්ලලා කනට ගහනවා. ඔය වගේ බොරු ලිව්වට" හිටපු විපක්ෂ නායක නිමල් සිරිපාලද සිල්වා මහතා පැවැසීය. 

එසේම හිටපු ජනාධිපති මහින්ද රාජපක්ෂ මහතා ඉදිරි මැතිවරණයේදි කුරුණෑගල දිස්ත්‍රික්කයෙන් තරග වදින බවත් ඔහු පැවැසීය.

ඒ මහතා මෙසේ පැවසූවේ ශ්‍රී ලංකා නිදහස් පක්ෂයේ ඌව පරණගම ආසන බල මණ්ඩලය අද (08දා) අමතමිනි.

මහින්ද රාජපක්ෂ මහතාගෙන් තමන් තරග කිරීමට කැමති දිස්ත්‍රික්කය කුමක්දැයි විමසූ විට එතුමා කුරුණෑගල දිස්ත්‍රික්කයෙන් තරග වැදීමට කැමැත්ත ප්‍රකාශ කර සිටි බවද නිමල් සිරිපාලද සිල්වා මහතා පැවැසීය.

වැලිමඩ ගෞතම්