කෝටි දෙකක ගංජා පුත්තලමෙන් මතුවේ

රුපියල් කෝටි දෙකකට ආසන්න කේරළ ගංජා කිලෝ 148කට ආසන්න ප්‍රමාණයක් පුත්තලම පල්ලම ප්‍රදේශයේදී  අත්අඩංගුවට ගත් බව පුත්තලම පොලීසිය පවසයි.

පොලීසියට ලැබුණ තොරතුරක් මත කළ වැටලීමකදී පල්ලම පොල් පර්යේෂණාගාර රක්ෂිතයේ කැලෑවක් තුළ පලාස්ටික් බැරල් තුළට දමා වළ දමා තිබූ මෙම ගංජා තොගය සෙයාගෙන තිබේ.

ඒ අනුව සිද්ධියට සම්බන්ධ  බවට සැකකරන එහි  මුරකරුවකු හා තවත් දෙදෙනෙකු අත්අඩංගුවට ගත් බව පොලීසිය වැඩිදුරටත් පැවසීය.

පුත්තලම පොලීසිය සිද්ධිය සම්බන්ධයෙන් වැඩිදුර පරීක්ෂණ පවත්වයි.