කුඩු විකුණූ කාන්තාවක් අත්අඩංගුවට

වැලිකඩ පොලිස් ස්ථානයේ නිලධාරීන් කණ්ඩායමක් සිදුකළ විශේෂ වැටලීමකදී අද (30දා) පෙ.ව 6.20 ට පමණ අත්අඩංගුවට ගත් මහා පරිමාණ කුඩු ජාවාරම්කාරියක් බව කියන අංක 450, අරඹේ මාවත, ඔබේසේකපුර, රාජගිරිය යන ලිපිනයේ පදිංචි බුදගොඩගේ සුදර්මා ජයතිලක නම් කාන්තාව අලුත් කඩේ අධිකරණයට ඉදිරිපත් කිරීමට නියමිතව තිබුණු බව පොලිස් මාධ්‍ය ප්‍රකාශක කාර්යාලය සඳහන් කළේය.

හෙරොයින් ග්‍රෑම් 03යි මිලිග්‍රෑම් 500 ක් ළඟ තබාගෙන සිටියදී මෙම කාන්තාව පොලිස් අත්අඩංගුවට පත්ව තිබුණු බවත්, වැලිකඩ පොලිස් ස්ථානය වැඩිදුර පරීක්ෂණ සිදුකරන බවත් එම කාර්යාලය ප්‍රකාශ කළේය.