කුඩු රොෂාන් ඝාතනය කරයි

මත්ද්‍රව්‍ය ජාවාරම්කරුවෙකු බව කියන තරංගොඩගේ චාමර සඳරුවන් (කුඩු රොෂාන්) නැමැත්තා බොරුල්ලදී තියුණු ආයුධයකින් පහරදි ඝාතනය කර ඇතැයි පොලීසිය පවසයි.

බොරුල්ල, වනාතමුල්ල ප්‍රදේශයේදී මෙම ඝාතනය අද පෙරවරුවේදී සිදුකර තිබේ. 30 වියේ පසුවූ කුඩු රොෂාන් බොරුල්ල ප්‍රදේශය තුළ කලක් තිස්සේ කුඩු බෙදාහැරීමේ නියුතුව ඇති බව පොලීසිය නිකුත් කළ නිවේදනයේ දැක්වෙයි.

ඝාතනයට සම්බන්ධ සැකකරුවන් මෙතෙක් අනාවරණය වී නොමැති අතර, බොරුල්ල පොලීසිය මේ සම්බන්ධ වැඩිදුර විමර්ශන කටයුතු සිදුකරයි.