එංගලන්තය මහේල ගැන අවධානයෙන්

ශ්‍රී ලංකාවේ හිටපු සුපිරි පිතිකරු මහේල ජයවර්ධන එංගලන්ත කණ්ඩායමේ උපදේශකයෙක් ලෙස බඳවා ගැනීම කෙරෙහි එංගලන්තයේ අවධානය යොමුව ඇතැයි ක්‍රික්ඉන්ෆෝ පුවත් සේවය සඳහන් කරයි.

ශ්‍රී ලංකාවේ හිටපු පුහුණුකරුවෙක් වන පෝල් ෆ්‍රාබේස් මේ වන විට මහේල හා අදාළ කරුණු පිළිබඳව සාකච්ඡා පවත්වා තිබෙන නමුත් එංගලන්ත ක්‍රිකට් අධ්‍යක්ෂ ඇන්ඩෘ ස්ට්‍රාවුස් තවමත් මේ පිළිබඳව අවසන් තීරණයක් ගෙන නැති බවද වාර්තා වෙනවා.

එංගලන්ත කණ්ඩායමේ නව පුහුණුකරු ට්‍රෙවර් බේලිස් ශ්‍රී ලංකාවේ පුහුණුකරුවෙකු ලෙස කටයුතු කර තිබෙන අතර ඔහුද මහේලගේ දක්ෂතා හොඳින් දන්නා බවද ක්‍රික්ඉන්ෆෝ පුවත්සේවය වාර්තා කරනවා.

මහේල ආසියානු තත්ත්වයන් යටතේ හොඳින් දක්ෂතා දක්වා තිබීමත්, එංගලන්ත කණ්ඩායමට එළැඹෙන වසරේදි ආසියානු සංචාර කිහිපයක් පවැතීමත් මහේල පිළිබඳව එංගලන්තයේ අවධානය යොමුවීමට වැඩි හේතුවෙයි. 2016 වසරේ පැවැත්වෙන විස්සයි20 ලෝක කුසලාන තරගාවලියද පැවැත්වෙන්නේ ඉන්දියාවේය.