උපාධිධාරීන් 5500කට රජයේ රැකියා

ලබන වසරේ පළමු මාස දෙක ඇතුළත උපාධිධාරී සංවර්ධන නිලධාරීන් 5,500 ක් බඳවාගැනීමට රජය කටයුතු කරන බව රාජ්‍ය පරිපාලන සහ කළමනාකාර අමාත්‍ය රංජිත් මද්දුම බණ්ඩාර මහතා පාර්ලිමේන්තුවේදී ප්‍රකාශ කළේය.
2016 අයවැය කාරක සභා අවස්ථාවේ රාජ්‍ය පරිපාලන සහ කළමනාකරණ අමාත්‍යාංශ වැය ශීර්ෂය සම්බන්ධයෙන් අදහස් දක්වමින් අමාත්‍යවරයා ඊයේ (15දා) මේ බව කීය.
ලබන වසරේ සිට රාජ්‍ය සේවකයන්ට නිශ්චිත රාජකාරියක් පැවරීමට අවශ්‍ය කටයුතු සම්පාදනය කරන අතර, රජයේ මානව සම්පත් සංවර්ධනයට සහ ජනතාවාදී සේවයක් ලබාදීමට යොදවන බවද අමාත්‍යවරයා ප්‍රකාශ කළේය.