දිවයින පුරා තද සුළං - ධීවරයන්ට අනතුරු ඇඟවේ

දිවයින වටා වන ගැඹුරු සහ නොගැඹුරු මුහුදු ප්‍රදේශවල සහ බෙංගාල බොක්ක මුහුදු ප්‍රදේශයේ  සුළං වේගය විටින් විට පැ.කි.මී. 60-80 පමණ දක්වා ඉහළ යා හැකි බැවින් එම මුහුදු ප්‍රදේශ විටින් විට ඉතා රළු වීමේ හැකියාව පවතින බව කාලගුණ විද්‍යා දෙපාර්තමේන්තුවේ, ස්වභාවික විපත් පිළිබඳ  පූර්ව අනතුරු ඇඟවීමේ මධ්‍යස්ථානය පවසයි.

ඒ පිළිබඳව විමසිලිමත් වන ලෙස ධීවර සහ නාවික  ප්‍රජාවගෙන් ඉල්ලා සිටින එම මධ්‍යස්ථානය සිය නිවේදනයෙන් වැඩිදුරටත් පෙන්වා දෙන්නේ, දිවයින පුරාද විටින් විට තද සුළං (පැ. කි. මී. 50-60 දක්වා) ඇති විය හැකි බවයි.