අවිස්සාවේල්ල දුම්රියක් පීලි පනියි

අවිස්සාවේල්ල දුම්රිය ස්ථානයේ සිට කොළඹ කොටුව දක්වා ගමන් කිරීමට නියමිත තිබූ දුම්රියක් පීලි පැනීම හේතුවෙන් අවිස්සාවේල්ල සිට කොළඹ කොටුව දක්වා ගමන් කිරීමට තිබූ දුම්රිය තුනක ගමනා ගමනයට බාධා එල්ල විය.

අලුයම 4.55 අවිස්සාවේල්ලේ සිට කොළඹ කොටුවට ගමන් කරන දුම්රිය මෙසේ අවිස්සාවේල්ල දුම්රිය ස්ථානයේදීම පීලි පැනීමට ලක්විය. ඒ හේතුවෙන් එම දුම්රියට පසුව කොළඹ දක්වා ගමන් කිරීමට නියමිත දුම්රිය  දෙක ධාවනය කිරීමද ප්‍රමාද විය.

මේ හේතුවෙන් දිනපතා කාර්යාල බලා ගමන් කරන ජනතාව මෙන්ම පාසල් සිසුන්ද දැඩි අපහසුතාවයකට පත්විය.

උදය දහනායක