අල්ලසට එරෙහිව ජවිජෙ පැමිණිලි කරයි

සන්ධාන රජය යටතේ අල්ලස් දූෂණ වංචා සිදුකර ඇති සියලු දේශපාලනඥයන්ට සහ නිලධාරීන්ට එරෙහිව නීතිය ක්‍රියාත්මක කරන ලෙස ඉල්ලමින් ජනතා විමුක්ති පෙරමුණ අල්ලස් හා දූෂණ විමර්ශන කොමිෂන් සභාවේදී අද පැමිණිලි කළේය.

එමෙන්ම දූෂණ චෝදනාවන්ට ලක්වී ඇති සියලුදෙනාට රටින් පිටවීම තහනම් කිරීම සඳහා ක්ෂණික පියවර ගන්නා ලෙස මෙහිදී ඉල්ලා සිටියේය.

හිටපු ජනාධිපති මහින්ද රාජපක්ෂ, බැසිල් රාජපක්ෂ, ගෝඨාභය රාජපක්ෂ, නාමල් රාජපක්ෂ, අජිත් නිවාඩ් කබ්රාල්, ජොන්ස්ටන් ප්‍රනාන්දු, රෝහිත අබේගුණවර්ධන යන මහත්වරුන් ඇතුළු පුද්ගලයන් එකොළොස්දෙනෙකුට සහ කාල්ටන් සුපර් ස්පෝර්ට් ක්ලබ් සංවිධානයට එරෙහිව අල්ලස් හා දූෂණ විමර්ශන කොමිෂන් සභාවේදී මෙලෙස චෝදනා ඉදිරිපත් කළේය.