TNA අද පස්වරුවේ විශේෂ සාකච්ජාවක

ඉදිරියේදී පැවත්වීමට නියමිත මහමැතිවරණය සම්බන්ධයෙන් උතුරේ දෙමළ ජාතික සන්ධාන නියෝජිතයින් සමග විශේෂ සාකච්ඡාවක් අද (27) සවස යාපනයේදී පැවත්වීමට  නියමිත බවට වාර්තා  වෙයි.

දෙමළ ජාතික සන්ධානයේ පාර්ලිමේන්තු මන්ත්‍රී එම්.ඒ සුමන්තිරන්  මේ පිළිබඳව අදහස් දක්වමින් පවසා සිටියේ යාපනය මාර්ටීන් වීදියේ පිහිටි ඉලංගෙයි තමිල් අරුසකච්චි පක්ෂ කාර්යාලයේ අද (27) සවස දෙමළ ජාතික සන්ධාන සියලු නියෝජිතයින්ගේ සහභාගීත්වයෙන් මෙම රැස්විම  පැවැත්වීමට නියමිත බවටය.

එමෙන්ම ඉදිරියේදි  පැවැත්වෙන මහමැතිවරණය සම්බන්ධයෙන් දෙමළ ජාතික සන්ධානයේ ඉදිරිපත් කෙරෙන නියෝජිතයින් කවුරුන්ද යන්න පිළිබඳවත් සන්ධානයක් වශයෙන් මහමැතිවරණයට ඉදිරිපත් වීමේදි   ගත යුතු තීරණ කුමක්ද යන්න පිළිබඳවද එහිදි  සාකච්ඡා කිරිමට නියමිත බවටද එම්.ඒ.සුමන්තිරන් මහතා වැඩි දුරටත් පැවසීය.

ඉදිරි මහමැතිවරණයේදි  දෙමළ ජාතික සන්ධානය ඉලංගෙයි තමිල් අරුසකච්චි පක්ෂය, ප්ලොට් හා ටෙලෝ පක්ෂ සන්ධානගතව තරඟ කිරිමට නියමිතව ඇත.