ජනාධිපතිවරණයේදි වතු කම්කරුවන්ට රු දහසක දෛනික වැටුපක් ලබාදෙන බවට වත්මන් ජනාධිපති ගෝඨාභය රාජපක්ෂ මහතා පොරොන්දු වු බවත්, එම මුදල ජනාධිපතිවරයා විසින් ලබා දෙන බවට තමන් තුළ විශ්වාසයක් ඇති බව බදුල්ල දිස්ත්‍රික් පා.ම වඩිවේල් සුරේෂ් මහතා පැවසිය.

හඬපටි මඩපටි ගැන කතාකර කර සිටිනවා වෙනුවට මේ රටේ ආර්ථිකය විනාශ කළ බැඳුම්කර මගඩියේ නිර්මාතෘවරුන් නිසි තැන සිටවිය යුතුව ඇතැයි ගාල්ල දිස්ත්‍රික් පාර්ලිමේන්තු මන්ත්‍රී අමාත්‍ය චන්දිම වීරක්කොඩි මහතා පවසයි.

ජාතික ජන සංහාරයක් වැනි ක්‍රියාවක් කරමින් කාන්තාවන් වඳභාවයට පත් කළ බවට චෝදනා ලැබ සිටින කුරුණෑගල මහරෝහලේ නාරිහා ප්‍රසව වෛද්‍ය සාෆි සිහබ්දින්ව නැවත සේවයේ පිහිටුවා ඇති බවට සමාජ ජාලාවල පළවන පුවත් අසත්‍ය බව පූජ්‍ය අතුරලියේ රතන හිමියෝ පවසති.

වෙන්නප්පුව ප්‍රාදේශීය සභාවේ මන්ත්‍රිනී දුලක්ෂි ප්‍රනාන්දු මෙනවියගේ පියා නීතිවිරෝධි මත්පැන් තොගයක් යතුරුපැදියකින් ප්‍රවාහනය කරමින් සිටියදි වෙන්නප්පුව පොලීසිය මගින් අත්අඩංගුවට ගෙන තිබේ .

සෞඛ්‍ය හා දේශීය වෛද්‍ය සේවා, කාන්තා හා ළමා කටයුතු සහ සමාජ ආරක්ෂණ අමාත්‍ය පවිත්‍රා වන්නිආරච්ච් මහත්මිය හා ජීනිවා ගෝලීය අරමුදලේ ව්‍යාපෘති අධ්‍යක්ෂිකා ඉංජිනේරු පුබුදු ද සොයිසා මහත්මිය අතර හමුවක් පසුගියදා සෞඛ්‍ය අමාත්‍යාංශයේ දී සිදු විය.

ජාතික සමඟිය ආගමික සහජීවනය වචනයට පමණක් සීමා නොවිය යුතු බවත් ක්‍රියාවෙන් සහජීවනය තියෙන විට රට සුරක්ෂිත බව අධිකරණ මානව හිමිකම් හා නීති ප්‍රතිසංස්කරණ අමාත්‍ය නිමල් සිරිපාලද සිල්වා මහතා පවසයි.

රංජන් රාමනායක පාර්ලිමේන්තුවේ සිටිමට සුදුසු පුද්ගලයෙක් නොවන බවත් එතුමාව මුල්ලේරියාවේ මානසික රෝහලේ තබා ඉතා ඉක්මනින් ඔහුට වෛද්‍ය ප්‍රතිකාර ලබාදිමට කටයුතු කළ යුතු බවට එක්සත් ජාතික පක්ෂයේ නායකයින්ගෙන් ඉල්ලා සිටින බව පොදුජන පෙරමුණේ පාර්ලිමේන්තු මන්ත්‍රී පියල් නිශාන්ත මහතා පවසයි.

දිවයිනේ සොදුරුතම සංචාරක ගමනාන්තයක් වන ඇල්ල සංචාරක කලාපය මේ දිනවල විදේශීය හා දේශීය සංචාකරයන්ගෙන් පිරි පවති .

සුළු ජාතීන්ගේ නියෝජනයට හෝ සුළු ජාතින්ට හානි වන ඕනෑම දෙයකට තම පක්ෂය විරුද්ධ වන බව ලංකා කම්කරු කෝන්ග්‍රසයේ නායක සහ ප්‍රජා සවිබල ගැන්වීම් සහ වතු යටිතල පහසුකම් සංවර්ධන අමාත්‍ය ආරුමුගම් තොණ්ඩමන් මහතා පවසයි.

නාවික හමුදාව සාගරික පරිසර පද්ධති සුරැකීමේ තවත් පියවරක් වශයෙන් උතුරු මුහුදු වෙරළ තීරයේ කඩොලාන පැළ දහසක් රෝපණය කොට මුහුදු වෙරළ පිරිසිදු කිරිමේ වැඩසටහනක්ද ක්‍රියාත්මක කොට ඇත.

මැදපෙරදිග උණුසුම් තත්ත්වයක් ඇතිවුවත් අවශ්‍යතරම් ඉන්ධන ශ්‍රී ලංකාවේ පවතින බව අමාත්‍ය මහින්ද අමරවීර මහතා පවසයි.

වෙන්නප්පුව කම්මලවැල්ල මුහුදු තීරයේ දිය නාමින් සිටි පිරිසක් අතර කාන්තාවක හා පිරිමි පුද්ගලයන් තිදෙනෙකු දියේ ගිලී අතුරුදන්ව තිබේ.

දිවයිනට බටහිර දෙසින් වන ගැඹුරු හා නොගැඹුරු මුහුදු ප්‍ර දේශ සඳහා කාලගුණයෙන් අවවාදාත්මක නිවේදනයක් නිකුත් කර තිබේ.

අසර්බයිජානයේදී විෂ දුමක් ආග්‍රහණය වීමෙන් මියගිය ශ්‍රී ලාංකික ශිෂ්‍යාවන් තිදෙනාගේ දේහයන් මෙරටට ගෙන්වා ගැනීම සඳහා එරට රජය සමඟ මේ වන විට අවශ්‍ය කටයුතු සම්පාදනය කරමින් සිටින බව විදේශ කටයුතු අමාත්‍යාංශය පවසයි.

කොළඹ විශ්වවිද්‍යාලයේ සිසුන් දෙපිරිසක් අතර ඇතිව ගැටුමකට අදාළව අත්අඩංගුවට ගත් සිසුන් 12 දෙනා එළැඹෙන 13 දා තෙක් රිමාන්ඩ් කර තිබේ.

නේපාලයේ කත්මණ්ඩු නුවරදී පැවැත් වූ 13 වැනි දකුණු ආසියානු ක්‍රීඩා තරගාවලියට ශ්‍රී ලංකාව නියෝජනය කරමින් සහභාගී වූ ක්‍රීඩක ක්‍රීඩිකාවන් පසුගිය දා (09) ක්‍රීඩා අමාත්‍යාංශයේ දී අධ්‍යාපන, ක්‍රීඩා හා තරුණ කටයුතු අමාත්‍ය ඩලස් අලහප්පෙරුම මහතා සමඟ විශේෂ හමුවකට එක්වූහ.

බකමූණ, පුවක්ගහ උල්පත ප්‍රදේශයේදී නිවසක සිටි අවුරුදු 01 මාස 8ක් පමණ වූ කුඩා දරුවෙකු තම නිවස පිටුපස ඇති වගා ළිඳකට වැටී බරපතල තත්ත්වයෙන් බකමූණ රෝහලට ඇතුළත් කිරීමේදී මියගොස් තිබේ

මහින්ද රාජපක්ෂ ජාතික ටෙලි සිනමා උද්‍යානය (රන්මිණිතැන්න) දියුණු කිරීම සඳහා ඉදිරි මාස කිහිපය තුළ විශේෂ වැඩපිළිවෙලක් සකස් කරන බව තොරතුරු හා සන්නිවේදන තාක්ෂණ රාජ්‍ය අමාත්‍ය ලක්ෂ්මන්යාපා අබේවර්ධන මහතා පවසයි.

දිවයින පුරා තවදුරටත් වැසි රහිත කාලගුණයක් අපේක්ෂා කරන බව කාලගුණ විද්‍යා දෙපාර්තමේන්තුව සඳහන් කරයි.

සංචාරක ශ්‍රී ලංකා කණ්ඩායම හා පැවැති තෙවැනි විස්සයි20 තරගයෙන්ද ලකුණු 78ක පහසු ජයක් වාර්තා කිරිමට සත්කාරක ඉන්දීය කණ්ඩායම සමත්විය.

ශ්‍රී ලංකා නාවික හමුදාවේ මැරීන් බලඇණියට අනුයුක්තව පුහුණුව ලැබූ නිලධාරීන් දෙදෙනෙකු (02) සහ නාවිකයින් හතලිස් හතර (44) දෙනෙකු සිය පුහුණුව සාර්ථක ලෙස නිමා කරමින් ඊයේ (09දා) ත්‍රිකුණාමලය, සාම්පුර් හි පිහිටි මැරීන් බලඇණි මූලස්ථානයේදී විසිර ගියහ.

රටේ වේගවත් සංවර්ධනයක් වෙනුවෙන් බුද්ධි ගලනය අත්‍යවශයෙන්ම පාලනය කළයුතු බව ජනාධිපති ගෝඨාභය රාජපක්ෂ මහතා අවධාරණය කරයි.

‍ත්‍රස්ත මර්ධන හා විමර්ශන කොට්ඨාසයේ අධ්‍යක්ෂ ලෙස කටයුතු කළ ජ්‍යෙෂ්ඨ පොලිස්ධකාරී ඩී. ජයසිංහ මහතා විනය හා කල්ක්‍රියා කොට්ඨාසයේ අධ්‍යක්ෂ ලෙස ස්ථානමරු කර තිබේ.

කොළඹ විශ්වවිද්‍යාලයේ සිසුන් දෙපිරිසක් අතර ඇතිවූ ගැටුමට අදාළව සිසුන් 12ක් අත්අඩංගුවට ගත් බව පොලිසිය පවසයි.

විශ්ව විද්‍යාල පද්ධතියේ වැටුප් විෂමතා සම්බන්ධයෙන් පුළුල් අධ්‍යයනයක් කර විසදුම් ලබා දෙන බව අග‍්‍රාමාත්‍ය මහින්ද රාජපක්ෂ මහතා පවසයි.

ශ්‍රී ලංකාවේ ඉරාන තනාපති මොහොමඩ් සයරි අමීරානි මහතා අද (10දා) හිටපු ජනාධිපති මෛත්‍රීපාල සිරිසේන මහතා හමුවිය.

සිලෝන් පෙට්‍රොලියම් ස්ටොරේජ් ටර්මිනල්ස් ආයතනයේ ඉන්ධන ප්‍රවාහන අංශයේ සේවය කරන නිලධාරින් දෙදෙනෙක් ප්‍රසිද්ධියේ අල්ලස් ලබා ගනිමින් පුද්ගලික ඉන්ධන බවුසර්වලට ගමන්වාර ලබා දෙන බවට එම ආයතනයේ සේවක පිරිස් විසින් ප්‍රවාහණ කළමනාකරණ, විදුලි බල හා බලශක්ති අමාත්‍ය මහින්ද අමරවීර මහතාට පැමිණිළි කර ඇත.

හෙම්මාතගම පොලිස් වසමේ කොටේගොඩ ප්‍රදේශයේදී කල් ඉකුත් වූ ආහාර නැවත පවිත්‍ර කර වෙළඳපොළට යොමුකරනු ලබන ස්ථානයක් හෙම්මාතගම පොලිස් ස්ථානය මගින් වටලා තිබේ.

කුරුණෑගල මහනුවර මාර්ගයේ රථවාහන රාජකාරියේ යෙදී සිි නිලධාරීන් තිදෙනෙකුගෙන් එක් පොලිස් කොස්තාපල්වරයෙක් ජීප් රථයකන් හප්පා පළාගිය සැකකරුවෙක් පොලීසිය අත්අඩංගුවට ගෙන තිබේ.