ප්‍රබල මත්ද්‍රව්‍ය ජාවාරම්කරුවකු බව කියන කුඩු චීනා නැමැත්තා හෙරොයින් මත්කුඩු ග්‍රෑම් දහතුනක් සමග මහනුවර රෝහල් පටුමගේ ගමන් කරමින් සිටියදී මහනුවර මූලස්ථාන පොලීසියේ දූෂණ මර්දන ඒකකයට හා හදිසි ඇමතුම් ඒකකයට ලද තොරතුරකට අනුව සිදුකරන ලද වැටලීමකදී අත්අඩංගුවට ගෙන තිබේ.

අත්‍යාවශ්‍ය නඩත්තු කටයුත්තක් හේතුවෙන් එළඹෙන 11වනදා පැය 12 ක කාලයක් කොළඹ 10,11, 12, 13,14 සහ 15 යන ප්‍රදේශවලට ජල සැපයුම අත්හිටුවන බව ජාතික ජල සම්පාදන හා ජලාපවාහන මණ්ඩලය නිවේදනය කරයි.

රාත්‍රී කාලයේ භාවිතයට නොගන්නා ඩේටා වලට ගෙවීම සම්බන්ධයෙන් විදුලි සංදේශ නියාමන කොමිෂන් සභාව වෙත දිගින් දිගටම ලැබෙන පැමිණිලි හේතුවෙන් ඒ සම්බන්ධව විදුලි සංදේශ නියාමන කොමිෂන් සභාවේ අවධානය යොමුව ඇති බවත්, ඒ වෙනුවෙන් ප්‍රයෝගික විසඳුමක් සෙවීමටත් කටයුතු කරන බවත් අමාත්‍ය උදය ගම්මන්පිල අද (10) කියා සිටියේ ය.

විදුලිය සිහිනයක්ම පමණක් වී, කුප්පි ලාම්පුවෙන් සැනසෙන රිදීමාලියැද්ද ප්‍රාදේශීය ලේකම් කෙට්ඨාසයට අයත් පවුල් 60 ක් දිවි ගෙවන අතිදුෂ්කර ගම්මානයක් වන කලුකැලේ වැසියන්ගේ අඳුරෙන් වැසීගිය ජීවිත පිළිබදව අද දින (10) මාධ්‍ය විසින් කළ අනාවරණය සම්බන්ධයෙන් වහාම ක්‍රියාත්මක වී, කලුකැලේ ජීවිත විදුලියෙන් එකලු කිරීම සදහා අවශ්‍ය පියවර අප්‍රමාදව ගන්නා ලෙස විදුලිබල අමාත්‍ය ඩලස් අලහප්පපෙරුම මහතා විසින් විදුලි බලධාරීන්ට උපදෙස් දෙයි.

මේ වසරේ කෝවිඩ් වසංගතය නැතිවත් පළමු මාස තුනේ වර්ධන වේගය ඝෘන 1.6 යි. මේ සැප්තැම්බර් 15 වෙනිදාට සංඛ්‍යාලේඛන දෙපාර්තමේන්තුව ඊළඟ මාස තුනේ වර්ධනය ලබා දෙන්න ඔනී .ඒක ඝෘන 10ට ආසන්නයි. ඒ අනුව මේ වසරේ සමස්තයක් ලෙස ආර්ථිකය ඉතිහාසයේ පළමු වතාවට ඝෘන 6 ක කඩා වැටීමක් තියෙනවා.

ලෝක සෞඛ්‍ය සංවිධානය විසින් ශ්‍රී ලංකාව මවගෙන් දරුවාට එච්.අයි.වී. සම්ප්‍රේෂණයවීම තුරන් කළ සහ රුබෙල්ලා වෛරසයෙන් තොර රටක් ලෙස පිළිගනිමින් විශේෂ සම්මාන දෙකක් සෞඛ්‍ය අමාත්‍ය පවිත්‍රා වන්නිආරච්චි මහත්මිය වෙත වෙත ප්‍රදානය කිරීම අද දින (10) සිදු විය.

තවත් ආසාදිතයින් 5ක් වාර්තා වීමත් සමග මෙරට කෝවිඩ් - 19 රෝගීන් ගණන 3,152 දක්වා ඉහළ ගොස් ඇත.

ශ්‍රී ලංකාවේ නෙදර්ලන්ත තානාපති නිටන්ජා ගොන්ග්‍රිජ් මහත්මිය හා අග්‍රාමාත්‍ය මහින්ද රාජපක්ෂ මහතා අතර හමුවක් අද 10 දින අරලියගහ මන්දිරයේදී පැවැත්වුණි.

ශ්‍රී ලංකා මුහුදු සීමාවෙ ගිනි ගැනීමට ලක්වූ බොරතෙල් ප්‍රවාහන නෞකාවේ ගින්න මැඩ පැවැත්වීමෙන් පසුව ඒ ආශ්‍රිතව පවතින තෙල් පැල්ලම මේ වන විට ක්‍රමයෙන් වර්ධනය වෙමින් පවතී.

බදාදා දිනය පාර්ලිමේන්තු දිනයක් වීම හේතුවෙන් ලබන සඳුදා (14දා) දිනයේ සිට මහජන දිනය සඳුදා ලෙස වෙනස් කිරීමට රජය ගෙන ඇති තීරණය මගීන් අපහසුතාවට පත්කරන තීරණයක් බව සමස්ත ලංකා බස් මගීන්ගේ සංගමය පවසයි.

හෙරොයින් ග්‍රෑම් 29ක් ළඟ තබාගෙන ජාවාරම් කිරීමේ චෝදනාවන්ට වරදකරුවු මට්ටක්කුලිය ප‍්‍රදේශයේ පදිංචි හෙරෝයින් ජාවාරම්කරුවකුට කොළඹ මහාධිකරණ විනිසුරු ගිහාන් කුලතුංග මහතා මරණීය දණ්ඩනය නියම කළේය.

බුදුන් වහන්සේගේ සිරස මුද්‍රණය කරන ලද සාරියක් ඇඳ නාරහෙන්පිට පුද්ගලික රෝහලකට පැමිණි කාන්තාවක් අද (10දා) පොලිස් භාරයට ගත් බව නාරහේන්පිට පොලිසිය කියයි.

කොළඹ අලුත්කඩේ කුමාර දොරටුව ප්‍රදේශයේ දී රුපියල් ලක්ෂ විස්සකට ආසන්න පමණ වටිනා අයිස් මත්ද්‍රව්‍ය සමග ප්‍රධාන සැකකරු ඇතුළු පුද්ගලයන් දෙදෙනෙක් (10) අත්අඩංගුවට ගත් බව කොළඹ මධ්‍යම කොට්ඨාස අපරාධ විමර්ශන අංශය කියයි

නිරෝධායනයට ලක් වූ 39230ක් අද දිනය වන විට සිය නිරෝධායනය අවසන් කර තම නිවෙස් වෙත පිටව ගොස් ඇතැයි කොවිඩ් 19 වැළැක්වීමේ ජාතික ක්‍රියාන්විත මධ්‍යස්ථානය පවසයි.

ඉදිරි දශකය තුළ නව භූගත ඛනිජ සම්පත් සොයාගනිමින් ඒවාට අගය එකතු කරමින් රටේ නිෂ්පාදන ක්‍රියාවලිය ශක්තිමත් කිරීමට භූ විද්‍යා පතල් කාර්යාංශය, ලංකා පොස්පේට් සමාගම, ලංකා ඛනිජ වැලි සමාගම, ලංකා සිමෙන්ති සංස්ථාව හා ලංකා පිඟන් සංස්ථාව එක්ව කටයුතු කළ යුතු බව කර්මාන්ත අමාත්‍ය විමල් වීරවංශ මහතා පැවසීය.

යෝජනාව විපක්ෂයෙන්, වැඩි ඡන්ද 14කින් යෝජනාව සම්මතයි.

දැනට බන්ධනාගාරගතව සිටින සංවිධානාත්මක පාතාල කල්ලිනායකයකු වු වෙලාසුදා සමග සමිප සම්බන්දතා පැවැත්වු සැකකරුවකු (10) ගාල්ල ප්‍රධාන මහේස්ත්‍රාත් අධිකරණය වෙත ඉදිරිපත් කිරිමෙන් පසු ඔහුගෙන් දින 07ක් රදවාගෙන ප්‍රශ්න කිරිම සදහා ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා විසින් පොලිසියට අවසර ලබා දුන්නේය.

හන්තාන පාරිසරික ආරක්ෂක කළාපය ආසන්නයේ උඩුවෙල උඩුගම නැගෙනහිර ග්‍රාම සේවා වසම ආසන්නයේ ජනතා වතු සංවර්ධන මණ්ඩලයට අයත් අක්කර 20 කින් පමණ වූ භූමි ප්‍රදේශයක තිබූ ගස් හා මාන ආවරණයන් ඉවත් කරමින් මේ වන විට විශාල පරිසර හානියක් සිදුකරමින් පවතින බව හන්තාන සුරැකීමේ සංවිධානය කියයි.

වැඩ තහනමට ලක් වූ තැපැල් සේවකයෙකු( ලියුම් -බෙදන්නෙක් ) රුපියල් ලක්ෂ තුනකට ආසන්න වටිනා හොරෙයින් මත්කුඩු, මත්පෙති හා අයිස් මත්ද්‍රව්‍ය සමග බත්තරමුල්ල බටපොත ප්‍රදේශයේ ලැගුම්හලක් තුළදී (10) අත්අඩංගුවට ගත් බව තලංගම පොලිසිය කියයි .

ශ්‍රී ලංකාවේ වාහන ප්‍රදර්ශනාගාර තුළ වාහන 4100ක් තවමත් පවතින බව කැබිනට් ප්‍රකාශක අමාත්‍ය කෙහෙළිය රඹුක්වැල්ල මහතා පැවැසීය.

ජනාධිපතිතුමන්ගේ සෞභාග්‍යයේ දැක්ම මහපොළොවේ යථාර්තයක් කිරීම සදහා සියළුදෙනාගේ දායකත්වය අවශ්‍ය බව නැගෙනහිර පළාත් ආණ්ඩුකාර අනුරාධා යහම්පත් මහත්මිය පැවසුවාය.

කිසිඳු ලියවිල්ලක් ලේඛනයක් නොමැතිව රජයේ ඉඩම්වල පදිංචි හෝ සංවර්ධය කර ඇති පුද්ගලයන් වෙත නීත්‍යානුකූල ලේඛන ලබාදීම කඩිනම් කිරීමට අදාළව අයඳුම්පත් කැඳවන බව සඳහන් කරමින් ඉඩම් කොමසාරිස් ජනරාල් අතිවිශේෂ ගැසට් නිවේදනයක් නිකුත් කර තිබේ.

තවත් කෝවිඩ් - 19 ආසාදිතයික් 09ක් පූර්ණ සුවය ලබා පිටව යාමත් සමග මෙරට පූර්ණ සුවය ලැබූ කෝවිඩ් - 19 ආසාදියින් ගණන 2955 දක්වා ඉහල ගොස් ඇත.

නාවික හමුදාධිපති වයිස් අද්මිරාල් නිශාන්ත උළුගේතැන්න අද (10) ත්‍රිකුණාමලයේදී ඉන්දීය වෙරළ ආරක්‍ෂක දෙපාර්තමේන්තුවට අයත් අමේයා (ICGS AMEYA) නෞකාවේ අණදෙන නිලධාරී, ආඥාපති ඒකේ පාණ්ඩේ හමුවී එම්ටී නිව් ඩයමන්ඩ් නෞකාවේ ඇති වූ ආපදා තත්වය කළමණාකරනය කිරීම සඳහා ඉන්දීය වෙරළ ආරක්‍ෂක දෙපාර්තමේන්තුව දැක්වූ විශිෂ්ඨ සහයෝගය සම්බන්ධයෙන් සිය කෘතඥතාවය පුද කර සිටින ලදි.

කුච්චවේලි ජයානගර් ප්‍රදේශයේ නිවසක් තුළ සඟවා තිබූ ජෙලට් නයිට් කූරු ,ඩෙටනේටර් කොඩ්, හා තියුණු ආයුධයක් සමඟ පුද්ගලයන් දෙදෙනෙක් අත්අඩංගුවට (10) ගත් බව කුච්චවේලි පොලීසිය කියයි.

ග්‍රාමීය කර්මාන්ත ප්‍රවර්ධන අමාත්‍ය ප්‍රසන්න රණවිර ඇමතිගේ අමාත්‍යාංශය, කොළඹ ලෝක වෙළඳ මධ්‍යස්‌ථානයෙන් බත්තරමුල්ල ‘අපේගම’ පරිශ්‍රයේ ස්ථානගත කිරීම කෙරෙහි අවධානය යොමු වී ඇත.

එජාපයේ නායකත්වය සදහා හිටපු අමාත්‍ය වජිර අබේවර්ධන මහතා පත්කළයුතු බවට ගාල්ල මහනගර සභාව නියෝජනය කරණ එජාප නාගරික මන්ත්‍රිවරු 14 දෙනාම එක හඩින් ඉල්ලා සිටින බැව් ගාල්ල මහනගර සභාවේ නියෝජ්‍ය නගරාධිපති පවුසල් නියාස් මහතා පවසයි.

තලංගම පොලිස් වසමේ පිරිස් මාවතේ පදිංචිව සිටි 60 හැවිරිදි පුද්ගලයෙකු එම නිවසේ මියගොස් සිටියදි මෘත ශරිරය අද දින සොයා ගෙන තිබේ.

අග්‍රාමාත්‍යධුරයට පත්වී වසර දෙකක් ගතවූ විට එයින් විශ්‍රාම යෑමට සැලසුමක් නොමැති බව අග්‍රාමාත්‍ය මහින්ද රාජපක්ෂ මහතා පවසයි.