ජනාධිපතිතුමා චීන විදේශ ඇමතිතුමා සමග වරාය නගරයේ ඉදිකරන ලද මං පෙත විවෘත කරනවයි කියලා තියෙනවා. ඇත්තටම ඔය වරාය නගරයේ තිබුණා ෆෝමියුලා වන් කාර් රේස් යන්න හදපු සැලසුම. ඒ සැලසුම අවලංගු කරලා වරාය නගරයේ අපේ ජනතාවට යන්න පුළුවන් උද් යානයක් නිර්මාණය කළේ අපේ අමාත් යාංශය යටතේ තමයි,2016 වර්ෂයේ තමයි ඒක පටන් ගත්තේ. අද තමන්ගේ වගේ ඒවා විවෘත කරනවා වගේ ගිහින් විවෘත කරනවා

ශ්‍රී ලංකාවේ කොවිඩ් මරණ සංඛ්‍යාව තනි ඉලක්කමක් දක්වා අඩු වී තබේ. ඒ අද දිනයේදී කොවිඩ් මරණ 07ක් තහවුරු කිරීමත් සමගිනි. මෙම කොවිඩ් මරණ ඊයේ (08දා) සිදුව ඇති බවට සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ.

ජාත්‍යන්තර ක්‍රිකට් පිටියෙන් සමුගැනීමට ගත් තීරණය පිළිබඳව නැවත සිතා බලන්නැයි තරුණ හා ක්‍රීඩා අමාත්‍ය නාමල් රාජපක්ෂ මහතා ශ්‍රී ලංකා ක්‍රිකට් ක්‍රීඩක භානුක රාජපක්ෂගෙන් ඉල්ලා සිටියි. තරුණ ක්‍රීඩකයකු ලෙස රට වෙනුවෙන් ක්‍රීඩා කිරීම සඳහා තවත් කාලය ඉතිරිව තිබෙන නිසා හදිසි තීන්දු ගැනීමට වඩා වැදගත් වන්නේ අභියෝගවලට මුහුණ දෙමින් ඉදිරියට යාම බව අමාත්‍ය නාමල් රාජපක්ෂ මහතා පෙන්වා දෙයි.

කොවිඩ් වසංගතය හමුවේ පැනනැගී ඇති ආර්ථික අර්බුදයට විසඳුමක් ලෙස ණය ආපසු ගෙවීම ප්‍රතිව්‍යුහගත කිරීමට ඇති හැකියාව කෙරෙහි අවධානය යොමු කළ හැකි නම් එය මෙරටට විශාල සහනයක් වනු ඇතැයි ජනාධිපතිවරයා විසින් පෙන්වා දෙනු ලැබිණ.

බදුල්ල සිට මහනුවර බලා ධාවනය වෙමින් තිබූ භාණ්ඩ ප්‍රවාහන මිශ්‍ර දුම්රියක් අද (9) දහවල් හාලිඇල දුම්රිය ස්ථානය ආසන්නයේදී පිලීපැනිමට ලක් විමෙන් උඩරට දුම්රිය මාර්ගයේ බදුල්ල කොළඹ දුම්රිය ධාවනයට බාධා සිදුව ඇතැයි දුම්රිය දෙපාර්තමේන්තුව පවසයි.

රුපියල් 12,000 බැගින් පොහොර මිටි 3ක් විකුණු තරුණයෙකු පැහැර ගෙන ගොස්, ගස් බැඳ පහර දී රුපියල් පනස් දහසක මුදලක් ලබා ගත් සිද්ධියකට සම්බන්ධ සැකකරුවන් අත්අඩංගුවට ගැනීම සඳහා පරීක්ෂණ ආරම්භ කර ඇති බව පරසන්ගස්වැව පොලිසිය පවසයි.

කොළඹ වරාය නගරයේ පදික මංතීරුව හා සැහැල්ලු යාත්‍රා අංගනය අද (09දා) මහජනතාව වෙත විවෘත කරනු ලැබිය. ඒ ජනපති ගෝඨාභය රාජපක්ෂ, අග්‍රාමාත්‍ය මහින්ද රාජපක්ෂ හා ශ්‍රී ලංකාවේ සංචාරයක නිරත චීන විදේශ අමාත්‍ය වැංග් යී යන මහත්වරුන්ගේ ප්‍රධානත්වයෙනි.

මේ රජය ජාත්‍යන්තර මූල්‍ය අරමුදලට මෙතරම් බය ඇයි කියලා අපි දන්නැහ . එම ආයතනය ණය දෙනු ලබන්නේ රටක ආර්ථික ස්ථායි භාවය ඇති කර ගැනීමටයි. හංගගෙන ඉන්න ඩොලර් ඔක්කොම නැවත එළියට දානවා . අද වන විට ලංකාවෙන් එළියට ගොස් සිටින ශ්‍රමිකයන් ඔවුන්ගේඩොලර් එළියට දාන්නේ නැහැ .ඒ තුළින් මසකට රටට එන ඩොලර් මිලියන 500 කින් පමණ අඩු වී තිබෙනවා . රටේ මුදල් වල තිබෙන අවිනිශ්චිත බව ඊට හේතුවයි .

ශ්‍රී ලංකා පොලිස් විශේෂ කාර්ය බලකා ඉතිහාසයේ ප්‍රථම කාන්තා සහකාර පොලිස් අධිකාරී ලෙස ප්‍රධාන පොලිස් පරීක්ෂක එන් ටී එන් කුමාරි මහත්මිය පත්කර තිබේ.

හැටන් මාර්ගය ඔස්සේ ශ්‍රි පාද වන්දනාවේ මත්ද්‍රව්‍ය රැගෙන පැමිණි තරුණයන් 18 දෙනෙකු අත්අඩංගුවට ගත් බව හැටන් පොලිසිය පවසයි.

ජනවාරි මස පළමුවැනිදා සිට 6 දා දක්වා වූ කාලය තුළ මේ රටට සංචාරකයන් 16000 අධික ප්‍රමාණයක් පැමිණ ඇතැයි සංචාරක අමාත්‍ය ප්‍රසන්න රණතුංග මහතා කියයි.

ලංකා ඛනිජ තෙල් සංස්ථාව හා ලංකා ඉන්දියානු තෙල් සමාගම පසුගියදා අත්සන් කරනු ලැබු, ත්‍රිකුණාමලය තෙල් ටැංකි සංවර්ධනය ව්‍යාපෘතිය ගිවිසුමේ අහිතකර කොන්දේසි පිළිබද ජාතික සංවිධාන එකමුතුව තම මතය ජනපති වෙත ලිපියක් මගින් දැනුවත් කලේය.

නොදන්නා වසංගතයකිනුත් රටවැසියන් බේරා ගෙන ජනතාවට ජීවත්වීමට දෙවතාවක් නිදහස උදා කර දුන් ජනාධිපති ගෝඨාභය රාජපක්ෂ මහතාගේ ඉදිරි වැඩපිළිවෙළට සහාය වීම සැම දෙනාගේ යුතුකමක් සහ වගකීමක් බව මිරිසවැටිය විහාරාධිකාරී රජරට විශ්වවිද්‍යාලයේ කුලපති, ආචාර්ය පූජ්‍ය ඊතලවැටුණුවැවේ ඥානතිලක නාහිමියෝ පවසති.

වත්මන් ආණ්ඩුව විසින් පසුගිය වසර දෙක තුළ ලබාගත් ණය පිළිබඳව හිටපු අමාත්‍ය පාඨලී චම්පික රණවක මහතා සිය ෆේස් බුක් ගිණුමෙන් ප්‍රකාශයක් කර තිබේ. ඔහු පෙන්වා දෙන්නේ පසුගිය වසර දෙක තුළ ලබාගෙන ඇති ණය ප්‍රමාණය ඇමෙරිකානු ඩොලර් බිලියන 5.1කට අසන්න බවයි.

ශ්‍රී ලංකා මුදලින් සත 60කට තේ කෝපයක් ලබාදෙන් චීන තේ අවන්හලක් පිළිබඳව තොරතුරු චීනයේ විවිධ තොරතුරු ශ්‍රී ලංකාව වෙත සිංහලෙන් ලබාදෙන චීනයේ වරුණි JZ විසින් සිය ෆේස්බුක් ගිණුමෙන් ප්‍රකාශයට පත්කර තිබේ.

ශ්‍රී ලංකාව හා චීනය අතර රාජ්‍ය තාන්ත්‍රික සබඳතා ආරම්භ කර වසර 65ක් පිරීමේ සංවත්සරය සැමරීම සඳහා ශ්‍රී ලංකාවට පැමිණි චීන විදේශ අමාත්‍ය වැංග් යී මහතා අද දිනයේදී ජනපති හා අග්‍රාමාත්‍යවරයා හමුවීමට නියමිතව තිබේ.

දිවයිනට ගිණිකොන දිගින් පහළ වායුගෝලයේ කැළඹිලි තත්ත්වයක් ඇතිවිය හැකි බැවින් ඉදිරි දිනවල දිවයිනේ බොහෝ ප්‍ර දේශවලට වැසි තත්ත්වයේ වැඩිවීමක් අපේක්ෂා කරන බව කාලගුණ විද්‍යා දෙපාර්තමේන්තුව කියයි.

පසුගිය වසරේ දෙසැම්බර් මාසයේදී එක්සත් අරාබි එමීර් රාජ්‍යයේ බූස්ටරයක් ​​ලෙස හදිසි භාවිතය සඳහා අනුමත කරන ලද Sinopharm’s NVSI-06-07 ප්‍රෝටීන් මත පදනම් වූ එන්නත, කොරෝනා වෛරසයේ අක්‍රිය ස්වරූපයක් අඩංගු BBIBP-CorV එන්නතට වඩා වෙනස් තාක්ෂණයක් භාවිත කරයි.

අපිට මේ පක්ෂය හදල ගන්න අවුරුද්දක කාලයක් තිබෙනව. අවුරුද්දක් වනවිට අපිට මැතිවරණයකට මුහුණ දෙන්න වෙයි. මේ ආණ්ඩුව තුලත් දැන් පිපිරීම් සිදුව තිබෙනව. සුසිල් ප්‍රේමජයන්ත මහතාව එලවල දාල තිබෙනව. සමහර ඇමතිවරුන් රජය තුල සිටිමින් ආණ්ඩුව විවේචනය කරන්න පටන්ගෙන තිබෙනව. ඒ ඇමතිවරුම කියනව දැන් ආණ්ඩුව ෆේල් කියල . දැන් මෙහෙම තත්ත්වයක් තමයි තියෙන්නෙ ආණ්ඩුව තුල.

දෙදින නිල සංචාරයක් සදහා චීන විදේශ අමාත්‍ය වෑන් යී මහතා අද (08දා) රාත්‍රී කටුනායක ගුවන් තොටුපළ ඔස්සේ ශ්‍රී ලංකාවට පැමිණියේය. ඔහු සමග දූත පිරිස ලෙස 18 දෙනෙකු ද එම ගුවන් යානයෙන් පැමිණ තිබුණි .

’’ප්‍රශ්නය එන්නත නොවෙයි. එයට හේතුව ඔහු සර්බියානු ජාතිකයෙක් සහ ලෝකයේ හොඳම ටෙනිස් ක්‍රීඩකයා වීමයි’’ ජොකොවික්ගේ රසිකයෝ පවසති.

ජාත්‍යන්තර පිටියෙන් විශ්‍රාමගත් භානුක රාජපක්ෂට ඉදිරියේදී ආරම්භවීමට නියමිත බංග්ලාදේශ ප්‍රිමියර් ලීග තරගාවලිය අහිමිවන තත්ත්වයක් පෙනෙන්ට තිබේ.

චීනය න්‍යායාත්මකව ප්‍රජා ප්‍රතිශක්තිය ලබාගෙන ඇති බව එරට ඉහළම ශ්වසන විශේෂඥ ෂොං නන්ෂාන් බ්‍රහස්පතින්දා ප්‍රකාශ කළේය. කෙසේ වෙතත්, ඔහු වැඩි වැඩියෙන් චීන වැසියන්ට බූස්ටර් මාත්‍රාව ලබාගන්නා ලෙස ඉල්ලා සිටියේය.

වරායේ සිරවී ඇති අත්‍යාවශ්‍ය භාණ්ඩ තොග සහිත බහාලුම් නිදහස් කර ගැනීම වෙනුවෙන් මහ බැංකුව විසින් ඇමෙරිකානු ඩොලර් මිලියන 05ක් නිදහස් කර තිබේ.

ඔමික්‍රොන් මගින් ඇති වන ආසාදන සංඛ්‍යාව රෝහල්වලට දැඩි පීඩනයක් එල්ල කරන බවට සෞඛ්‍ය නිලධාරීන් අනතුරු අඟවා ඇති අතර, සමහරක් සෞඛ්‍ය සේවකයින්ම අසනීප වී සිටින නිසා රෝගීන්ගේ පැමිණීම සමග කටයුතු කිරීම අරගලයක් වී තිබේ.

ජාත්‍යන්තර ක්‍රිකට් පිටියෙන් ක්‍රිකට් ක්‍රීඩකයන් විශ්‍රාම ගැනීමට අදාළව ශ්‍රී ලංකා ක්‍රිකට් ආයතනය විසින් නව රෙගුලාසි කිහිපයක් හඳුන්වා දී තිබේ.

ගිනිකොනදිග බ්‍රසීලයේ දිය ඇල්ලකට පහළින් ඇති පාෂාණ පතුරක් මෝටර් බෝට්ටු මතට හදිසියේ කඩා වැටීමෙන් අවම වශයෙන් පුද්ගලයින් හය දෙනෙකු මිය ගොස් නව දෙනෙකු බරපතල තුවාල ලබා ඇති බව ප්‍රාදේශීය ගිනි නිවීමේ දෙපාර්තමේන්තුව පවසයි.

අද දිනයේ විදුලි කප්පාදුවක් සිදු නොකරන බව ලංකා විදුලි බල මණ්ඩලය කියයි. විදුලි බල මණ්ඩලය දැවි තෙල් සැපයීමේ ගැටලුකාරී තත්ත්වයක් හේතුවෙන් ඊයේ දිනයේදී ප්‍ර දේශ රැසකට පස්වරු 5.30 සිට 9.30 දක්වා වරින් වර පැයක විදුලිය කප්පාදුවක් සිදු කෙරිණි.

ප්‍රවීණ රංගන ශිල්පි රොබින් ප්‍රනාන්දු මහතා අභාවප්‍රාප්ත වී තිබේ. මිය යන විට ඒ මහතා 84 වැනි වියේ පසුවිය.