විදේශ කටයුතු අමාත්‍ය අලි සබ්‍රි මහතා ඇමෙරිකා එක්සත් ජනපදයේ රාජ්‍ය ලේකම් ඇන්තනී බ්ලින්කින් මහතාගේ ආරාධනය පරිදි ඇමෙරිකාව බලා අද (29දා) අලුයම කටුනායක ගුවන් තොටුපළෙන් පිටත්ව ගිය බව කටුනායක ගුවන් තොටුපළ කාර්යය භාර නිලධාරීවරයා සනාථ කළේය.

ඕමානයේ ශ්‍රී ලංකා තානාපති කාර්යාලයේ තුන් වන ලේකම් ලෙස සේවය කරමින් සිටි ඊ.කුෂාන් නැමැති පුද්ගලයා අද (29දා) දින අලුයම ශ්‍රී ලංකාවට පැමිණෙමින් සිටියදී කටුනායක ගුවන් තොටුපළ පැමිණීමේ පර්යන්තයේ දී අපරාධ පරීක්ෂණ දෙපාර්තමේන්තු නිලධාරීන් පිරිසක් විසින් අත්අඩංගුවට ගත් බව ආගමන විගමන දෙපාර්තමේන්තු ප්‍රකාශකවරයෙකු සනාථ කළේය.

ලීසිං වාරික ගෙවීම පමා වීම හේතුවෙන් පෞද්ගලික බැංකුවක් විසින් අත්පත් කර ගැනීමට නියෝග නිකුත් කර තිබූ ප්‍රියස් වර්ගයේ කාර් රථයක් සහ එහි තිබූ රුපියල් ලක්ෂ 7 ක මුදලක්, පොලීසියෙන් යැයි පවසා පැහැර ගත් පුද්ගලයන් තිදෙනකු අත්අඩංගුවට ගැනීම සඳහා ඊයේ (27දා) විමර්ශනයක් ආරම්භ කළ බව මරදන්කඩවල පොලිසිය පවසයි.

තමන් තවදුරටත් එක්සත් ජනතා නිදහස් සන්ධානයේ ප්‍රධාන ලේකම් තනතුරේ කටයුතු කරන බව අමාත්‍ය මහින්ද අමරවීර මහතා මැතිවරණ කොමිසම වෙත දැනුම්දී තිබේ.

ඉදිකිරීම් ක්ෂේත්‍රයේ වැඩකටයුතු නැවැත්වීමෙන් විශාල පිරිසකගේ රැකියා අහිමි වීම හේතුවෙන් ඉදිරියේදී සංවර්ධන කටයුතු රාජ්‍ය සහ පෞද්ගලික අංශවල හවුල්කාරිත්වයෙන් ක්‍රියාත්මක කිරීමට රජය ප්‍රතිපත්තිමය තීරණයක් ගෙන ඇති බව නාගරික සංවර්ධන හා නිවාස අමාත්‍ය සහ අ‍ාණ්ඩු පාර්ශ්වයේ ප්‍රධාන සංවිධායක ප්‍රසන්න රණතුංග මහතා පැවසීය.

නැවතත් මේ රටට සංචාරකයන් එන මොහොතේ නුවර සිට කොළඹට පෙළපාලියක් එන්න ලෑස්ති වෙලා තියෙනවා. කරුණාකරලා මේ කෝලම නවත්වන්න. ජනතාව අවුස්සගන්න එපා. ඔබතුමා මේ පාර ගුටිකන්නේ පාරේ ඉන්න මිනිස්සුන්ගෙන්. මේක කඩාකප්පල් කරන්න එපා. ඔබතුමාගේ නොහැකියාව තියාගන්න පාර්ලිමේන්තුව තුළ. මට මෙච්චරයි කියන්න තියෙන්නෙ.

අල්-ෂබාබ් ඉස්ලාමීය ත්‍රස්ත සංවිධානය ප්‍රහාරයේ වගකීම භාරගෙන ඇති අතර, නිවේදනයක් නිකුත් කරමින් කියා සිටියේ එය ආසන්නයේ පිහිටි ජනාධිපති මන්දිරය ඉලක්ක කර ගත් බවයි.

වර්ථමානයේ රට කඩා වැටී තිබීමට අවුරැදු 75ක් අයවැය ලේඛන තුළින් මුදල් අමාත්‍යංශය සකස් කර දෙන අසත්‍ය ඒ අකාරයෙන්ම පැවසීම හේතු වී තිබෙන බව ප්‍රවාහන හා මහාමාර්ග සහ ජනමාධ්‍ය අමාත්‍ය ආචාර්ය බන්දුල ගුණවර්ධන මහතා පැවසීය.

ධීවරයන්ගේ භුමිතෙල් ගැටලුව විසඳනු ලැබූ යාන්ත්‍රණයම භාවිතා කර ඉදිරි දින 03 තුළ ලංකාවේ සියළුම කෘෂිකාර්මික ප්‍රදේශ වෙත භුමිතෙල් නිකුත් කිරීම හෙට (29) සිට ආරම්භ කරන බව ජනාධිපති අධ්‍යක්ෂ ජෙනරාල් (ප්‍රජා කටයුතු) කීර්ති තෙන්නකොන් මහතා පැවසීය.

ෆෙයි ජුන්ලොන්ග්, ඩෙන්ග් කින්ග්මින්ග් සහ ෂැන්ග් ලූ යන චීන ගගනගාමීන් රැගෙන ෂෙන්ෂෝ-15 මිනිසුන් සහිත මෙහෙයුම සිදුකිරීමට සූදානමින්.

තම නිවාඩුව සඳහා ශ්‍රි ලංකාවට නොපැමිණෙන එසේම ශ්‍රි ලංකාවේ අඩියක්වත් නොතබන පුද්ගලයෙක් පසුගිය වසර දෙකක කාලය තුළ ලෝකයේ ප්‍රභල රටක ශ්‍රී ලංකාව නියෝජනය කිරිම වෙනුවෙන් තානාපතිවරයෙක් ලෙස පත්කර ඇතැයි හිටපු ජනපති මෛත්‍රීපාල සිරිසේන මහතා පාර්ලිමේන්තුවේදී පැවැසීය.

ලොව විශාලතම බොරතෙල් ආනයනකරුවා වන චීනයේ ඉන්ධන ඉල්ලුම පහළ යනු ඇතැයි යන අපේක්ෂාවන් සමග අද (28දා) දිනය වනවිට බොරතෙල් මිල වසරේ අවම මට්ටම කරා ළඟා වී තිබේ.

මට්ටක්කුලිය ප්‍රදේශයේදී පුද්ගලයෙකු කපා කොටා ඝාතනය කර ඇති බව පොලිසිය පවසයි.

මධ්‍යම සංස්කෘතික අරමුදල සම්බන්ධයෙන් පාර්ලිමේන්තුවේ පැවැති කෝප් කමිටු රැස්වීම තරමක උණුසුම් මුහුණුවරක් ගැණිනි.

කටුනායක ගුවන් තොටුපළෙන් ඉන්දියාවේ මදුරෙයි බලා අද (28දා) පස්වරුවේ පිටත් වූ ශ්‍රී ලන්කන් ගුවන් යානයක් , ගුවන් ගත වී විනාඩි 05 ක කාලයකට පසුව යළිත් කටුනායක ගුවන් තොටුපළ වෙත ගොඩ බෑමකට ලක් කර ඇති බව ගුවන් තොටුපළ කාර්යය භාර නිලධාරීවරයා සනාථ කළේය .

රියදුරු බලපත්‍ර සඳහා සෘණාත්මක ලකුණු ලබාදීමට ලබන වසරේ ජනවාරි මස සිට ක්‍රියාත්මක කරන බව රාජ්‍ය අමාත්‍ය ලසන්ත අලගියවන්න මහතා පවසයි.

පොලීසිය සඳහන් කළේ ගුවන් නියමුවා සහ මගියා යන දෙදෙනාම නිරුපද්‍රිතව බේරාගැනීමට හැකි වුවත්, ඔවුන් දෙදෙනා තුවාල ලබා සිටි බවයි.

එක්සත් ජනපද රාජ්‍ය ලේකම් ඇන්ටනි බ්ලින්කන් මහතාගේ ආරාධයනය මත විදේශ කටයුතු අමාත්‍ය අලි සබ්රි මහතා හෙට (29දා) සිට දෙසැම්බර් 04 දක්වා ඇමරිකා එක්සත් ජනපදයේ සංචාරය කරනු ඇතැයි විදේශ අමාත්‍යාංශය පවසයි.

රට තුළ ගෑස් හිඟයක් ඇතිවීමට කිසිසේත් ඉඩ නොතබන බව ලිට්‍රෝ සමාගමේ සභාපති මුදිත පීරිස් මහතා පවසයි.

යුක්රේනයට සහාය දීම නිසා ජීවන වියදම් ඉහළ යාමට හේතු වන බව නේටෝ කණ්ඩායමේ ප්‍රධානී ජෙන්ස් ස්ටෝල්ටන්බර්ග් පිළිගත්තේය.

පළාත් පාලන ඡන්දය විකෘතියක් වෙලා ඇති බවත් පැරණි ක්‍රමයට හෝ ඡන්දය පැවැත්විය යුතු බවත් හිටපු අමාත්‍ය රෝහිත අබේගුණවර්ධන මහතා පැවසීය .

උතුරු කොරියාවේ “අවසාන ඉලක්කය වන්නේ ලෝකයේ බලවත්ම උපායමාර්ගික බලවේගය, සියවසේ පෙර නොවූ විරූ න්‍යෂ්ටික බලය හිමිකර ගැනීම” බව කිම් ජොන්ග්-උන් පවසයි.

ක්‍රිකට් තරගයක පිතීකරුවෙකු පන්දුවාරයකට ඒල්ල කළ වැඩිම හයේ පහර සංඛ්‍යාවේ වාර්තාව බිඳ හෙලීමට ඉන්දීය පිතිකරු රුටුරාජ් ගායික්වාද් සමත්විය.

ශ්‍රී ලංකාවේ ආර්ථික ප්‍රගතිය සඳහා රුසියාවේ උපරිම සහයෝගය ලබාදෙන බව තානාපතිවරයා මෙහිදී අග්‍රාමාත්‍යවරයාට සහතික විය. ශ්‍රී ලංකාව තුළ රුසියානු මහා පරිමාණ ආයෝජන සඳහා ඇති හැකියාව පිළිබඳවද මෙහිදී සවිස්තරාත්මක ලෙස සාකච්ඡා කෙරිණී.

ශ්‍රී ලංකාවට ඩොලර් මිලියන 200 මුදල් හුවමාරු පහසුකම ලබාදීමෙන් පසුව එවැනිම ආකාරයේ උදව් ඉල්ලා බොහෝ රටවල් තමන් සමඟ සන්නිවේදනය කළ බව බංග්ලාදේශ අගමැතිනී ෂීක් හසීන් මහත්මිය පැවැසුවාය. ඊයේ පැවැති සමුළුවකදී අදහස් දක්වමින් ඇය මේ බව හෙළි කළාය.

අබලන් තත්වයට පත්ව ඇති දුම්රිය මාර්ගය පිළිසකර කරන තෙක් මහව සිට යාපනය දක්වා දුම්රිය ධාවනය ජනවාරි මස 15දා සිට මාස 5ක කාලයක් නවත්වන බව ප්‍රවාහන හා මහා මාර්ග අමාත්‍ය ආචාර්ය බන්දුල ගුණවර්ධන මහතා අද (28දා) පාර්ලිමේන්තුවේ දී පැවසීය.

වර්ථමානයේ පාලකයන්ගේ අවවාද අනුශාසනා මහා සංඝරත්නයට ඇසීමට සිදුවී තිබෙන බවත්, සංඝරත්නයට නින්දා අපහාස කිරීම නුසුදුසු බවත් විපක්ෂනායක සජිත් ප්‍රේමදාස මහතා පැවසීය.

ලොරිරථ රියදුරෙකුගෙන් රුපියල් දොළොස්දහසක අල්ලසක් ලබාගැනීමේ චෝදනාවක් මත සිදුකළ පරීක්ෂණ වලින් අනතුරුව කන්දකැටිය පොලිස් ස්ථානය සේවයකළ පොලිස් සැරයන්වරයෙකුගේ සහ පොලිස් කොස්තාපල්වරුන් තිදෙනෙකුගේ සේවය ඉකුත් (27) වෙනිදා සිට වහාම ක්‍රියාත්මක වන පරිදි අත්හිටුවා ඇත.

ශ්‍රී ලංකා ක්‍රිකට් කණ්ඩායමේ ක්‍රීඩකයින් කිහිප දෙනෙකුම අද (28දා) විවාහ ගිවිසගෙන ඇත