සමාගම් පණතට පටහැනි ආකාරයට මුල්‍ය සමාගමක් පවත්වාගෙන යමින් වැඩි පොළී ලබාදෙන බව පවසා තැන්පතු වශයෙන් මහජනතාවගෙන් ලබාගත් රුපියල් කෝටි 16 1/2කට ආසන්න මුදලක් තැන්පතු වශයෙන් ලබාගෙන වංචා කිරීමේ චෝදනාවන්ට වරද පිළිගත් සක්විති රණසිංහ සහ ඔහුගේ බිරිඳට අධිකරණයෙන් කළ නියෝගයට අනුව රුපියල් ලක්‍ෂ 50ක දෙවැනි වාරිකය විත්තිකාර යුවළ අද (24) අධිකරණයේ තැන්පත් කළේය.

අහිංසක මිනිස්සු රටවලට සංචාරක වීසා වලින් රට රැකියා සදහා ශ්‍රමිකයින් පිටත් කර යවන මාෆියාකරුවන් වෙනුවෙන් අපේ රටේ ආචාර්ය මහාචාර්යවරු සහ දේශපාලඥයින් පෙනී සිටිනවා නම් එය බරපතල කණගාටුවට කරුණක් බවත්, මාෆියාකරුවන් වෙනුවෙන් පෙනී සිටින අයගෙන් රටට කිසිදු වැඩක් නොමැති බවත් කම්කරු හා විදේශ රැකියා අමාත්‍ය මනුෂ නානායක්කාර මහතා පැවසුවේය.

මෙරට ග්‍රාමීය හා දුෂ්කර ප්‍රදේශවල සෞඛ්‍ය සේවාව වඩාත් කාර්යක්ෂම කිරිම සඳහා සියලු පහසුකම් වලින් සමන්විත වෛද්‍ය නිල නිවාස දහසක (1000 ) ව්‍යාපෘතියක් සඳහා සෞඛ්‍ය අමාත්‍ය ආචාර්ය කෙහෙලිය රඹුක්වැල්ල මහතා කොරියානු රාජ්‍යයන් ඉල්ලීමක් කළේය.ඒ අනුව මෙම ව්‍යාපෘතිය දිවයින පුරා ක්‍රියාත්මක කිරීම සඳහා කොරියානු රාජ්‍යයේ සහයෝගය අපේක්ෂා කරන බව ඒ මහතා කීය.

සාමණේර භික්ෂූන් වහන්සේලා ඇතුළු ගිලන්ව සිටින භික්ෂූන් වහන්සේලා දෙසීයකට ආසන්න සංඛ්‍යාවක් වැඩවසන ඓතිහාසික දිඹුලාගල ආරණ්‍ය සේනාසනයේ විදුලිය 24 වැනිදා සවස දෙවැනි වරටත් විසන්ධි කිරීමෙන් එහි වැඩවාසය කරන භික්ෂූන් වහන්සේලා දැඩි අසීරුතාවට පත්ව සිටි බව දිඹුලාගල බුද්ධ ශ්‍රාවක සංඝ සභාවේ ලේඛකාධිකාරී දිඹුලාගල රාහුලාලංකාර හිමියෝ පැවසූහ.

බණ්ඩාරවෙල නගරයේ හෝටලයක කාන්තාවක් ඝාතනය කර ඇති බවට බණ්ඩාරවෙල පොලිස් ස්ථානයට ලද තොරතුරක් මත විමර්ශයක් ආරම්භ කර තිබේ. මෙසේ ජීවිතක්ෂයට පත්ව ඇත්තේ අවුරුදු 40ක් වන ඇටම්පිටිය ප්‍ර දේශයේ පදිංචිකාරියකි.

දුම්රිය විදුලි කාර්මික ශිල්පීන් අද දිනයේද වෘත්තීය ක්‍රියාමාර්ගයක නියැලීම හේතුවෙන් දුම්රිය අවලංගු වීම් හා ප්‍රමාද වීම් සිදුවන බව දුම්රිය වෘත්තීය සමිත සඳහන් කරයි.

මන්නාරම මුල්ලිකණ්ඩාල් ප්‍රදේශයේදී අද (24) පෙරවරුවේ පුද්ගලයන් දෙදෙනකුට වෙඩිතබා ඝතනය කර ඇති බව පොලීසිය කියයි.

අධිඅන්තරායකර පළිබෝධනාශක 40 සැලකීමේදී ඉන් 14 ක් ගෘහාශ්‍රිත වශයෙන් සිදුකරන වගා සඳහා යොදා ගන්නා බවට හෙළි වී තිබේ. පසුගිය වසර පහ තුළ මෙරටට ගෙන්වා තිබෙන පළිබෝධනාශක ප්‍රමාණය සැලකීමේදී වසරකට වල්නාශක වර්ග මෙට්‍රික් ටොන් 2181ක්, කෘමිනාශක වර්ග මෙට්‍රික් ටොන් 1183ක් සහ දිලීරනාශක මෙට්‍රික් ටොන් 896 වශයෙන් ගෙන්වා තිබේ. තම සංවිධානය විසින් මේ වසරේ පළමු මාස 03 ක කාලය තුළදී දිස්ත්‍රික් 09 ක් මුලික කර ගනිමින් මෙම සමීක්ෂණය සිදුකර තිබෙන බවත්, මෙම වාර්තා පළිබෝධනා

කොරියාවේ සෙමාවුල් පදනම මගින් නුවරඑළිය දිස්ත්‍රික්කයේ ක්‍රියාත්මක කිරීමට යෝජිත කාන්තාවන් සවිබල ගැන්වීමේ පස් අවුරුදු ව්‍යාපෘතිය ආරම්භ කිරීමට සමගාමීව සහභාගිත්ව වැඩසටහන් මාලාවක් පැවැත්වීම සඳහා පැමිණි කොරියානු විශ්ව විද්‍යාල සිසුන් සහ නුවරඑළිය දිස්ත්‍රික් ලේකම් නන්දන ගලබොඩ මහතා අතර හමුවක් පසුගිය (21) දින නුවරඑලිය දිස්ත්‍රික් ලේකම් කාර්යාලයේදි පැවැත්විණ.

පසුගිය දිනවල ජාත්‍යන්තර හා දේශීය මාධ්‍යවල බුද්ධි අංශ උපුටා දක්වමින් මෙරට විවිධ ජාතීන් හා ආගම් අතර ඝට්ටනයක් සිදුව පිපිරීම් තත්ත්වයක් ඇති විය හැකි බවට වන මාධ්‍ය වාර්තා පළවන බවත් මෙය ජාතික ආරක්ෂාව සම්බන්ධ කාරණයක් බැවින් වහාම සියලුම පක්ෂ හා පාර්ශ්ව කැඳවා මෙය සත්‍යක්ද අසත්‍යක්ද යන්න පැහැදිලි කරන ලෙස රජයෙන් ඉල්ලා සිටින බවත් විපක්ෂ නායක සජිත් ප්‍රේමදාස මහතා අද (24) පාර්ලිමේන්තුවේ දී පැවසීය.

මෙරට ප්‍රභූ ආරක්ෂක සේවය සඳහා යොදවා ඇති මුළු පොලිස් නිලධාරීන් සංඛ්‍යාව 7,693ක් බව මහජන ආරක්ෂක අමාත්‍ය ටිරාන් අලස් මහතා පැවසීය.

මෑත කාළීන ඉතිහාසයේ විශාලතම හිග වැටුප වූ ශ්‍රී ලංකා රුපියල් විසි පන් ලක්ෂ දස දහස් හාරසීයයක් වටිනා කුවේට් ඩිනාර් 2,400 මුදලක් ලබා ගත් එරට ගෘහ සේවිකාවක ලෙස සේවය කල ජෙනිටා ඩේලිකා එරට සිට 08/24 දින අලුයම කටුනායක ගුවන් තොටුපොළ වෙත පැමිණියාය.

නමුනුකුළ බූටා වත්තේ වාර්ෂික රදම් පෙරහැරේ රදම් කරත්තය අධිබලැති විදුලි රැහනක පැටලීම නිසා විදුලි සැර වැදුන පුද්ගලයන් දෙදෙ‍නෙක් ජීවිතක්ෂයට පත්වී තවත් තිදෙනෙක් තුවාල ලබා පස්සර දිසා රෝහලට ඇතුලත් කළ බව නමුකුළ පොලිසිය පැවසීය .

දැනට සිදු කර ඇති කාලගුණික පුරෝකථන අනුව එල් නිනෝ හා ලා නිනා දේශගුණික තත්ත්වයන් තුළ මෙවර මහ කන්නයේදී මෙන්ම ඉදිරි යල කන්නයේදීද අනපේක්ෂිත ගැටලුවලට මුහුණ පෑමට සිදුවන බවට පෙනී ගොස් ඇතැයි කෘෂිකර්ම අමාත්‍යාංශය අවධාරණය කරයි.

නේපාලයේ පැවති දෙවන දකුණු ආසියානු කනිෂ්ඨ බැඩ්මින්ටන් ශූරතා තරගාවලියට සහභාගී වූ ශ්‍රී ලංකා කණ්ඩායම එහි වයස අවුරුදු 15 න් පහළ සහ වයස අවුරුදු 17 පහළ කණ්ඩායම් ශූරතා දිනා ගනිමින් ඒවාට හිමි රන් පදක්කම් මෙන්ම කේවළ තරග ඉසව් වලදී රන් පදක්කම් 07 , රිදී පදක්කම් 05 ක් සහ ලෝකඩ පදක්කම් 03 දිනා ගෙන 08/24 දින අලුයම කටුනායක ගුවන් තොටුපොළ වෙත පැමිණියහ .

ලෙබනනයේ පැවැත්වෙන 33 වන ආසියානු කායවර්ධන ශූරතා තරගාවලියට සහභාගී වීම සදහා 08/24 දින අලුයම කටුනායක ගුවන් තොටුපොළෙන් පිටත්ව ගියහ.

ක්‍රීඩිකාවන් සහ නිලධාරීන් 26 දෙනෙකුගෙන් සමන්විත ශ්‍රී ලංකා කාන්තා ක්‍රිකට් කණ්ඩායම 08/24 දින අලුයම එංගලන්තයේ ක්‍රිකට් තරග සංචාරයක් සදහා පිටත්ව ගියහ.

අගුරුවාතොට, ඌරුතුඩාව ප්‍රදේශයේ දී තරුණ මවක සහ මාස එකොලහක දැරියක ඝාතනය කිරීම සම්බන්ධයෙන් චෝදනා එල්ලවී කළුතර මල්වත්ත බන්ධනාගාරයේ රදවා සිටී හිටපු යුධහමුදා සෙබළෙකු වන සැකකරු ඊයේ පස්වරුවේ බන්ධනාගාරය තුලදී ගෙලවැලලාගෙන මියගොස් ඇති බව කළුතර උතුර පොලිසිය පවසයි .

2022 උසස් පෙළ විභාගයේ ප්‍රතිඵල ලබන සැප්තැම්බර් මස 10 වැනිදාට පෙර අනිවාර්යෙන්ම නිකුත් කිරීමට අවශ්‍ය පියවර ගෙන තිබෙන බව අධ්‍යාපන රාජ්‍ය අමාත්‍ය අරවින්ද කුමාර් මහතා පැවසීය.

රුපියල් ලක්ෂ පනස් හතරක් පමණ වටිනා මැණික් ගල්තුනක් අලෙවි කිරීමට ගිය පුද්ගලයකු මාදුරුඔය හේනානිගල ප්‍රදේශයේදි නවතා රාජකාරි ගිනිඅවියෙන් අහසට වෙඩිතබා එම මැණික් ගල්තුන පැහැර ගැනීමට සම්බන්ධ සැකපිට, හේනානිගල වනජීවි කාර්යාලයේ අඩවි ආරක්ෂකවරයා, වනජීවී නියාමකවරුන් දෙදෙනකු ඇතුළු සිව්දෙනෙකු ගිනිඅවියක් සහ අත්මාංචුවක් සමග 23 වැනිදා සවස අත්අඩංගුවට ගත් බව පොලොන්නරුව කොට්ඨාශ අපරාධ විමර්ශන අංශය කියයි.

මහනුවර ඓතිහාසික ඇසළ පෙරහැරේ අලි කලබලයට හේතුව කුඩා ළමයෙකු විසින් පිඹින ලද නළාවක් බව පළමුවෙන් කලබල කළ අලියා බලාගන්නා ඇත්ගොව්වා පවසයි .

ක්‍රම සහ විධි පිළිබඳ කාරක සභාව විසින් ලබා දුන් නියෝගයෙන් පසු රට පුරා සිදු කරන ලද වැටලීම්වලින් ව්‍යාජ ස්ටිකර් ඇලවූ මත්පැන් බෝතල් 6000ට ආසන්න ප්‍රමාණයක් සුරාබදු නිලධාරීන් විසින් අත්අඩංගුවට ගෙන ඇති බව පාර්ලිමේන්තු මන්ත්‍රී පාඨලී චම්පික රණවක මහතාගේ සභාපතිත්වයෙන් ඊයේ (22) පැවති ක්‍රම සහ විධි පිළිබඳ කාරක සභාවේදී හෙළිදරව් විය.

අවුරුද්දක් පමණ වයසැති තම සිගිත්තිය සමග මවක් වැවකට පැන සිය දිව හානි කරගෙන ඇති බව ලිදුල පොලිසිය පැවසිය.

සෝවියට් දේශය, ඇමෙරිකාව හා චීනයට පසුව සඳ මතට සාර්ථකව යානයක් ගොඩ බැස්ස වූ රට බවට ඉන්දියාව අද වාර්තා අතරට එක්විය.

මෙරට ධාවනය කෙරෙන වහාන වලින් 90% ක වායු විමෝචනය ප්‍රමිතියෙන් තොර බව පාර්ලිමේන්තුවේ බල ශක්ති හා ප්‍රවාහන පිළිබඳ ආංශික අධීක්ෂණ කාරක සභාවේදී අනාවරණය විය.

කිලිනොච්චිය, පලෙයි, පුදුක්කාඩු ප්‍රදේශයේ ගෙවත්තක ළිඳක තිබි බෝම්බ ඇතුළු පුපුරණ ද්‍රව්‍ය රැසක් අද (23) සොයාගත් බව පලෙයි පොලිසිය පවසයි.

පවතින නියඟය හේතුවෙන් ඊයේ (22) දිනය වනවිට වගාහානි සිදු වී ඇති වී වගා කරන ලද කුඹුරු ඉඩම් ප්‍රමාණය අක්කර 51,055.19ක් දක්වා ඉහළ ගොස් තිබේ. එමෙන්ම අනෙකුත් බෝග වගා හානි ප්‍රමාණය අක්කර 424.70ක් වන අතර, වී සහ අනෙකුත් බෝග වගා හානි ප්‍රමාණය අක්කර 51,479.89ක් බව කෘෂිකාර්මික හා ගොවිජන රක්ෂණ මණ්ඩලය සඳහන් කරයි.

උතුරු පළාතේ සංවර්ධන කටයුතු සහ වර්තමාන ජනජීවිතයේ එදිනෙදා කටයුතු පිළිබඳ තමා බෙහෙවින් සතුටට පත්වන බවත් උතුර සංවර්ධනය සඳහා උපරිම සහයෝගය ලබාදෙන බවත් ශ්‍රී ලංකාවේ ඇමරිකානු තානාපතිනිය ජූලි ජේ. චංග් මහත්මිය පවසීය.

කටුනායක ගුවන් තොටුපොළ තුළ පවතින අධික ගුවන් මගී තදබදය සදහා විසදුමක් ලෙස මාස 06 ක කාළයක් තුළ තාවකාලික පදනමෙන් පර්යන්ත ගොඩනැගිල්ලක් ඉදිකිරීමට පියවර ගන්නා බව වරාය , නාවික හා ගුවන් සේවා අමාත්‍ය නිමල් සිරිපාල ද සිල්වා මහතා පැවසීය.