භාවිතා කල නොහැකි සියලුම දුම්රිය මැදිරි අලුත්වැඩියාවට පියවර

භාවිතයට ගැනීමට නොහැකිව ඉවත් කර තිබෙන සියලුම දුම්රිය මැදිරි අලුත්වැඩියා කර සේවයට යොදවන බව දුම්රිය සේවා රාජ්‍ය අමාත්‍ය සී.බී. රත්නායක මහතා සඳහන් කළේය.

මෙම වැඩපිළිවෙල යටතේ දුම්රිය මැදිරි දෙසීයක් (200) මුල් අදියර යටතේ අලුත්වැඩියා කටයුතු කරන බවත් ඒ සඳහා රුපියල් බිලියන 2.3 ක් වෙන්කර තිබෙන බවද පවසා සිටියේය.

මීට අමතරව නව දුම්රිය හතරක් මේ වන විට ලංකාවට ගෙන්වා තිබෙන බවත් එහි පළමු පරීක්ෂණ කටයුතු ඊයේ (08 දා) සිදුකළ බවද පවසා සිටියේය.

දුම්රිය මැදිරි අලුත්වැඩියා කටයුතු කරන දෙමටගොඩ දුම්රිය අංගනයේ නිරීක්ෂණ චාරිකාවකට එක්වෙමින් අද (09 දා) මේ බව සඳහන් ක‌ෙළේය.