එන්නත්කරණය රට පුරා තවදුරටත් සාර්ථකව ක්‍රියාත්මකයි

කොවිඩ් 19 ප්‍රතිශක්තීකරණ වැඩසටහන යටතේ එන්නත්කරණය රටපුරා සාර්ථකව ක්‍රියාත්මක කෙරෙනවා.

යුද හමුදාවේ මැදිහත්වීමෙන් සිදු කෙරෙන එන්නත්කරණ වැඩසටහනද අද දිනයේත් ක්‍රියාත්මක කෙරෙනවා.

ඒ අනුව බත්තරමුල්ල දියත උයන පරිශ්‍රයේ දී වයස අවුරුදු 30 ට වැඩි පිරිස් වෙනුවෙන් සයිනොෆාම් එන්නතේ පළමු සහ දෙවන මාත්‍රා ලබාදීම අද සිට දින තුනක් පැය 24 පුරා එම එන්නත්කරණය සිදු කෙරෙන බවයි යුද හමුදාව සඳහන් කරන්නේ.

වයස අවුරුදු 30 ට වැඩි අය සදහා සයිනොෆාම් එන්නතේ පළමු සහ දෙවන මාත්‍රාව මෙන්ම ඇස්ට්‍රා සෙනෙකා එන්නතේ දෙවන මාත්‍රාව ලබාදීම විහාරමහා දේවි උද්‍යානයේ දී අද දිනයේත් සිදු කෙරෙනවා.

එමෙන්ම අවුරුදු 60 ට වැඩි පිරිස් සඳහා ඇස්ට්‍රා සෙනෙකා එන්නතේ පළමු මාත්‍රාව ද ලබා දෙන බවයි යුද හමුදාව පවසන්නේ.

වේරහැර ලංකා යුද හමුදා පළමු වෛද්‍ය බලකා පරිශ්‍ර යේ  දී ද එන්නත්කරණ වැඩසටහන යුද හමුදාවේ මෙහෙයවීමෙන් සිදු කෙරෙනවා.

වයස අවුරුදු 30 ට වැඩි පුද්ගලයින් සඳහා සයිනොෆාම් එන්නතේ පළමු මාත්‍රාව ලබාදීම සුගතදාස ගෘහස්ථ ක්‍රීඩාංගනයේ දී ශ්‍රී ලංකා පොලිසියේ මැදිහත්වීමෙන් අද දවසේත් සිදු කෙරෙනවා.