ඊශ්‍රායෙල මැතිවරණයේදි කාටවත් බහුතරයක් නෑ

ඊශ්‍රායලයේ පැවැති මහ මැතිවරණයේදී ප්‍රධාන පක්ෂ දෙකෙන් එකකටවත් බහුතරය ලබා ගැනිමට නොහැකිවිම
හේතුවෙන් ඒරට තුළ දේශපාලන ගැටලුවක් නිර්මාණය වි තිබේ. මේ වන විටත් දැනට ධුරයේ සිටින අගමැති බෙන්ජමින්නෙතන්යාහු මැතිවරණයට විදෙද් දේශපාලන මැදිහත්විම් සිදුවූ බවට චෝදනා කරන අතර  ප්‍රධාන විපක්ෂ නායක ගාඩි අයිසන්කොට් සහ අරාබි නායකත්වයෙන් යුත් පක්ෂ නායකයින් මෙම ප්‍රකාශය හෙළා දැක තිබේ.

නෙතන්යාහුගේ ලිකුඩ් පක්ෂය පවසන්නේ ඊශ්‍රායලයේ අරාබි නායකත්වයෙන් යුත් පක්ෂ මැතිවරණය "සොරකම්" කළ බවයි.

කටාර් සහ තුර්කියෙන් නීති විරෝධී අරමුදල් ලැබී ඇත්දැයි ස්වදේශ ආරක්ෂක ඒජන්සිය ෂින් බෙට් විමර්ශනය කරයි.

කටාර් විදේශ අමාත්‍යාංශය මෙම ප්‍රකාශ "හාස්‍යජනක හා භයානක" ලෙස සඳහන් කරමින් චෝදනා ප්‍රතික්ෂේප කළ අතර ඊශ්‍රායල දේශපාලනඥයින් කටාරයට එරෙහිව වැරදි තොරතුරු ව්‍යාපාරයක් දියත් කළ බවට චෝදනා කළේය.

අවසාන ප්‍රතිඵලවලින් තහවුරු වූයේ නෙතන්යාහුගේ කණ්ඩායම හෝ යුදෙව් විපක්ෂය පාර්ලිමේන්තුවේ බහුතරයක් දිනා නොගත් බවයි.

අරාබි ඡන්දදායකයින් අතර ඡන්දය ප්‍රකාශ කිරීමේ වැඩිවීමක් හේතුවෙන් අරාබි පක්ෂ දෙක  ආසන 120 කින් යුත් ක්නෙසෙට් හි වාර්තාගත ආසන 19 ක් දිනා ගැනීමට සමත්විය.

නෙතන්යාහුගේ කණ්ඩායම ආසන 53ක් දිනා ගත් අතර ඔහුගේ ප්‍රතිවාදියා වන ගාඩි අයිසන්කොට්ගේ කණ්ඩායම ආසන 48ක් දිනා ගත්තේය.

මධ්‍යම මැතිවරණ කමිටුවේ (CEC) ප්‍රධානියා විදේශ මැදිහත්වීම් පිළිබඳ "බරපතල සැකයන්" විමර්ශනය කරන ලෙස ෂින් බෙට් ආරක්ෂක සේවයෙන් ඉල්ලා සිටීමෙන් පසුව, බ්‍රහස්පතින්දා ලිකුඩ් අරාබි පක්ෂවලට ඡන්දය දීම සඳහා ඡන්දදායකයින්ට "අල්ලස්" ලබා දී ඇති බවට චෝදනා කළේය.

අරාබි පක්ෂ දෙකම එම ප්‍රකාශය තරයේ ප්‍රතික්ෂේප කළ අතර, අරාබි බහුතර ඒකාබද්ධ ලැයිස්තු සන්ධානය එය 
පදනම් විරහිත බව පැවසීය.