තඹුත්තේගම මහවැලි ඉඩම් දේශපාලන ලැයිස්තුවෙන් බෙදුවාට විරෝධයක් එන බවට තොරතුරු වාර්ථා වී තඹුත්ත‌ේගම මහවැලි අධිකාරියේ පැවති උත්සවයට සහභාගී වීමට පැමිණි රොෂාන් රණසිංහ අමාත්‍යයවරයා ආපසු හැරී ගිය බවට වාර්තා වේ.

දේශපාලනඥයන් බොහෝ විට සිතන්නේ අතීතය ගැන පමණයි. ශිෂ්‍යයන් ලෙස සිතන්නේ වර්තමානය ගැනයි. නමුත් මම සහ රජය සිතන්නේ අනාගතය පිළිබඳවයි. ඉතින් අප මෙය ගළපාගෙන ඉදිරියට යා යුතුයි. අතීතය ගැන සිතන අය කෙසේ හෝ වර්තමානයට ගෙන ආ යුතුයි. වර්තමානයේ සිටින විට අනාගතය ගැන හැදෑරිය හැකියි.

කහවත්ත, කට්ටංගේ ප්‍රදේශයේ මැණික් පතලකින් හමු වූ නිල් මැණිකට මෑත ඉතිහාසයේ වැඩිම මිල වූ රුපියල් කෝටි 43කට අද (16දා) වෙන්දේසියේදී අලෙවි කෙරිණි.

ඊයේ(15දා) දිනය වන විට වියළි කාලගුණ තත්ත්වයේ බලපෑම දිස්ත්‍රික්ක 13 කට ඇති වී තිබේ. මේ අනුව දිස්ත්‍රික්ක 13 ක පවුල් 52402කට අයත් 174009ක් දෙනා පීඩාවට පත්ව සිටිති.

යාපනය මහනුවර මාර්ගයේ මාන්කුලම් පනිච්චංකුලම් ප්‍රදේශයේදී අද (15) අලුයම සිදුවූ මාරක රිය අනතුරකින් පුද්ගලයින් තිදෙනෙකු මිය ගොස් තවත් 8 කට බරපතල තුවාල සිදුව ඇති බවට මාන්කුලම් පොලීසිය පවසයි.

උමාඔය බහුකාර්ය සංවර්ධන ව්‍යාපෘතිය යටතේ ඉඳිකළ ඩයරබා ජලාශය ජලය පුරවා විවෘතකිරීම ඉකුත් (13) වෙනිදා උදෑසන සිදුකෙරිණි.

“අපේ භාණ්ඩාගාරයේ පිච්චිය නෑ. මේ හම්බුවෙන මුදල් ටිකෙන් හැම මාසයේම රාජ්‍යය සේවකයින්ගේ වැටුප් හා විශ්‍රාම වැටුප් ගෙවලා, සමෘද්ධිය ඇතුළු සහනාධාර ගෙවලා. ගත්ත ණය සඳහා පොලී ගෙව්වට පස්සේ මොකුත් ඉතුරු වෙන්නේ නෑ.”

පාසල් යන බව පවසා නිවසින් පිටත්ව පාසල් නොගොස් පාසල් නිල ඇඳුම් සඟවා මුහුණු පොතෙන් පමණක් හඳුනාගෙන සිටි තම පෙම්වතුන් හමුවීම සඳහා කුරුණෑගල නගරයට පැමිණ සිටි දහසය හැවිරිදි ලාබාල පාසල් සිසුවියන් දෙදෙනෙකු පොලිස් බාරයට ගෙන දෙමාපියන්ට බාර දුන් බව කුරුණෑගල මූලස්ථාන පොලීසිය පවසයි.

මහා භාණ්ඩාගාරයට බරක් නොවන ආකාරයට බන්ධනාගාර පවත්වා ගෙන යාමේ නීත්‍යනුකූල ක්‍රමවේදයක් සැකසීම පිළිබඳ සාකච්ඡාවක් මේ වන විට ආරම්භ කර ඇති අතර එය කිසි සේත්ම සමාජයේ කතාබහට ලක් වී ඇති පරිදි මුදල් ගෙවා වෙනම සිර මැදිරි වෙන් කර ගැනීමට අවස්ථාව ලබාදෙන ආකාරයේ කටයුත්තක් නොවන බව අධිකරණ හා බන්ධනාගාර රාජ්‍ය අමාත්‍ය අනුරාධ ජයරත්න මහතා පැවසීය.

ශ්‍රී ලංකා මහ බැංකුවේ මුදල් මණ්ඩලය, 2023 අගෝස්තු මස 08 වන දින පැවති රැස්වීමේදී බලපත්‍රලාභී වාණිජ බැංකුවල සියලුම රුපියල් තැන්පතු වගකීම් සඳහා අදාළ වන ව්‍යවස්ථාපිත සංචිත අනුපාතය 2023 අගෝස්තු මස 16 වන දින ආරම්භ වන සංචිත පවත්වාගෙන යෑමේ කාලපරිච්ඡේදයේ සිට ක්‍රියාත්මක වන පරිදි සියයට 4.00 සිට සියයට 2.00 දක්වා පදනම් අංක 200 කින් අඩු කිරීමට තීරණය ක‍ළේය.

රටට ගැළපෙන පරිදි දහතුන්වන සංශෝධනය ක්‍රියාත්මක කළ යුතු බවත් ඒ හරහා රටේ අනාගතය මෙන්ම සංවර්ධනයද වේගවත් වෙනු ඇතැයි ජනපති රනිල් වික්‍රමසිංහ මහතා පැවැසීය.

ඒ අනුව, ණය ගැනීමේ සීමාව රුපියල් බිලියන 4,979 සිට රුපියල් බිලියන 13,979 දක්වා වැඩි කිරීමට උක්ත පනත් කෙටුම්පත මගින් යෝජනා කොට තිබේ.

කදාන පොලිස් වසමේ නෑදුරූපිටිය පිහිටි පිරිසිදු කාරක නිශ්පාදන ආයතනයක අද උදෑසන ඇති වු ගින්නක් හේතුවෙන් කර්මාන්ත ශාලාවේ ගණකාධිකාරීවරයා මිය ගොස්, ගින්නෙන් හට ගත් දුමාරය ආක්‍රමණය වු අවට පාසලක ශිෂ්‍යවන් 85 දෙනකු රාගම ශික්ෂණ රෝහලට ඇතුළත් කර ඇති බව පොලීසිය හා රෝහල් ආරංචි මාර්ග පවසයි.

විදුලි කප්පාදුවක් සිදු නොකිරීමටත්, නිශ්චිත සැලසුමක් යටතේ සමනල වැව ජලාශයෙන් විදුලිය නිපදවීමට ජලය නිකුත් කිරීමටත් අද පැවැති කැබිනට් රැස්වීමේදී තීරණය කර තිබේ.

ගුවන් හමුදාවට අයත් පුහුණු ගුවන් යානයක් ගුවන් හමුදා චීනවරාය කඳවුරු ප්‍රදේශයේදී කඩාවැටීමට ලක්වීමෙන් එහි ගමන් කළ ගුවන් හමුදා නිලධාරීන් දෙදෙනෙක් ජීවිතක්ෂයට පත්ව තිබේ.

වගාවන්ට අවශ්‍ය ජලය නිදහස් කර දෙන්නැයි ඉල්ලා ගොවීන් පිරිසක් මාතරට ඒමට ඉඩ ඇතැයි කියා ලැබුණු තොරතුරකට විදුලි බල හා බලශක්ති අමාත්‍ය කංචන විජේසේකර මහතාගේ මාතර කොටුවේ පිහිටි නිවසට හා ඒ අවට ප්‍රදේශයට ඊයේ (05දා) උදෑසන සිට විශේෂ ආරක්ෂාවක් සපයා ඇති බව උසස් පොලිස් නිලධාරියෙකු පැවසීය.

විකලාංග වෛද්‍ය විද්‍යාවේ නව පෙරලියක් ඇතිකරලීමට සමත් මිනිස් අස්ථි බද්ධ කිරීමේදී අත්‍යාවශ්‍ය වන මිල අධික අමුද්‍රවයක් වෙනුවට භාවිතයට ගත හැකි හරක් ඇටකටුවලින් නිශ්පාදිත Bone graft material විශේෂයක් නිපදවීමට ජනරාල් සර් ජෝන් කොතලාවල රාජ්‍ය ආරක්ෂක විශ්ව විද්‍යාලයේ ශ්‍රී ලාංකික ව්‍යවසායක, සහ පර්යේෂකයෙකු වන මහාචාර්ය ප්‍රසන්න ප්‍රේමදාස මහතා සමත් වී ඇත.

විදුලි බිල නොගෙවීම හේතුවෙන් විසන්ධි කර දැමුණු මිහින්තලා පුදබිමේ විදුලි බලය, සජිත් ප්‍රේමදාස මහතා ප්‍රමුඛ බෞද්ධ උපදේශන කමිටුව හරහා බිල ගෙවා දැමීමෙන් අනතුරුව ඊයේ (4දා) විදුලිය නැවත ලැබුණු බව මිහින්තලා රජමහා විහාරාධිපති පූජ්‍ය වලවාහැංගුණවැවේ ධම්මරතන නා හිමියන් පැවසූහ.

අනුරාධපුර - පාදෙණිය මාර්ගයේ තඹුත්තේගම, ඊරියගමදී සිදු වූ රිය අනතුරකින් සිව් දෙනකු මියගොස් තවත් සිවු දෙනකු තුවාල ලබා ඇතැයි තඹුත්තේගෙම පොලිසිය කියයි. අද පෙරවරුවේ මෙම මාරක අනතුර සිදුව තිබේ.

මෙරට තුළ බුදු දහම ස්ථාපිත කිරීමේ කේන්ද්‍රස්ථානය වූ, දළදා වහන්සේ, ශ්‍රී මහා බෝ සමිදුන් වැඩම කර වීමට මූලික වූ, මිහින්තලා පුද බිමේ විදුලි බලය අද (3 දා) දහවල් විසන්ධි කළ බව, මිහින්තලා රජමහා විහාරාධිපති පූජ්‍ය වලවා හැංගුණවැවේ ධම්මරතන හිමිපාණන් පැවසූහ.

විල්පත්තුව ආසන්නයේ පිහිටි මරයිච්චුකඩ්ඩි ප්‍රදේශයේ වනාන්තර කපා හෙළි කළ ප්‍රදේශවල යළි ගස් සිටුවීමට පියවර ගන්නා ලෙස හිටපු අමාත්‍ය රිෂාඩ් බදියුදීන් මහතාට අභියාචනාධිකරණය දුන් තීන්දුවක් ක්‍රියාත්මක කිරීම වළක්වාලමින් ශ්‍රේෂ්ඨාධිකරණය අතුරු තහනම් නියෝගයක් අද (02දා)නිකුත් කළේ

දිවයින පුරා පොලිස් ස්ථාන 607ක් ඇති අතර ඉන් 121ක්ම පවත්වාගෙන යනු ලබන්නේ කුලී පදනම මත ගත් පෞද්ගලික ගොඩනැගිලිවල බව අණාවරණය වෙයි.

මෙරට ඉන්ධන වෙළඳපොළට අලුතෙන්ම ඇතුළත්වීමට නියමිත චීනයේ සිනොපෙක් සමාගමේ පළමු ඉන්ධන තොගය මේ වන විට ගොඩ බෑම ආරම්භ කර ඇති බවත් එහි දෙවැනි ඉන්ධන තොගය හෙට දිනයේදී පැමිණිමට නියමිත බවත් අමාත්‍ය කංචන විජේසේකර මහතා ට්විටර් පණිවුඩයක් මඟින් දැනුම්දී තිබේ.

ඒ අනුව 13 වන ව්‍යවස්ථා සංශෝධනයට අදාලව ජනාධිපතිවරයා ලබන සතියේ පාර්ලිමේන්තුවේ දී විශේෂ ප්‍රකාශයක් කිරීමට නියමිතය.

ලෝකයේ පුද්ගලයකු මේ වන විට සතියකට ක්‍රෙඩිට් කාඩ් එකක ප්‍රමාණයක්, එනම් ක්ෂුද්‍ර ප්ලාස්ටික් ග්‍රෑම් 05ක් අනුභව කරන කරන බව ගෝලීය දත්ත අනුව හෙලිවෙයි.

සමනල වැව හා උඩවළවේ ජලාශයේ ජල ධාරිතාව ප්‍රමාණවත් නොවීම හේතුවෙන් වී ඇතුළු අනෙකුත් බෝග සහ විදුලි බල නිෂ්පාදනය අඩාළ වීම අනුව ඉදිරි සතියක කාලය තුළදී සමස්තයක් ලෙස රු.බිලියන 30ක පමණ අලාභයක් සිදුවිය හැකි බවට ඇස්තමේන්තු කර ඇතැයි කෘෂිකර්ම අමාත්‍යාංශය ප්‍රකාශ කළේය.

රටේ කුමන තත්ත්වයක් පැවතියත් තමා රට හැර නොයන බවත් රටේ ආර්ථිකය ගොඩ ගන්නේ කෙසේදැයි කියා සිතා ගැනීමට නොහැකි ආකාරයට රට පත්ව ඇති බවත් ශ්‍රී ලංකා නිදහස් පක්ෂයේ සභාපති හිටපු ජනපති මෛතීපාල සිරිසේන මහතා ඊයේ (29) පස්වරුවේදී මීටියාගොඩදී කීවේය.

සෞඛ්‍ය ප්‍රතිපත්ති ආයතනය විසින් සිදුකරන ලද සමීක්ෂණයකට අනුව ශ්‍රී ලංකාවේ පිළිගත් දේශපාලන පක්ෂ කෙරෙහි ජනතාවගේ ඇති කැමැත්ත අඩුවී විකල්පයක් කෙරෙහි ජනතාවගේ කැමැත්ත ඉහළ යාමක් පෙන්නුම් කර තිබේ.

දේවගැති ජෙරොම් ප්‍රනාන්දුගේ ගිණුම්වලට රුපියල් කෝටි 1226ක් ලැබී ඇතැයි දැනුම් දෙමින් රහස් පොලිසිය කළ ඉල්ලීමක් පිළිගත් කොටුව මහේස්ත්‍රාත් තිළිණ ගමගේ මහතා කටුනායක මිරැකල් ඩෝම් ආයතනයේ තොරතුරු තාක්ෂණ නිලධාරියාට අපරාධ පරීක්ෂණ දෙපාර්තමේන්තුව හමුවේ පෙනී සිට ප්‍රකාශයක් ලබාදෙන ලෙස ඊයේ 26 වැඩිදුරටත් නියම කළේය.