සංගගේ කණ්ඩායම පරදියි

එංගලන්තයේ පළමු පෙළ සීමිත පන්දුවාර තරගාවලිය වන රෝයල් ලන්ඩන් කුසලාන එක්දින තරගාවලියේ අවසන් මහ තරගයෙන් ශ්‍රි ලංකාවේ හිටපු නායක කුමාර් සංගක්කාර නියෝජනය කරන සරේ කණ්ඩායම පරාජය කරමින් කඩුලු අටක පහසු ජයක් වාර්තා කිරීමට වෝවික්ෂයර් කණ්ඩායම පෙරේදා (17දා) සමත්වූයේය.

තරගයේ මුලින්ම පන්දුවට පහරදුන් සංගා නියෝජනය කරන සරේ කණ්ඩායමට පන්දුවාර 40.1කදී සියලු දෙනා දැවී රැස්කරගත හැකි වූයේ ලකුණු 136ක් පමණි. සංගා ලකුණු 21ක් රැස්කළේය.පිළිතුරු ඉනිම ක්‍රීඩා කළ වෝවික්ෂයර් කණ්ඩායම පන්දුවාර 30.2කදී කඩුලු දෙකක් පමණක් දැවී ඉලක්කය පසුකර ගියේය. වෝවික්ෂයර් කණ්ඩායම වෙනුවෙන් ජොනතන් ට්‍රෝට් නොදැවී ලකුණු 82ක් රැස්කළේ ආරම්භක පිතිකරුවා ලෙසින් පිටියට පිවිසෙමිනි.