ශා.ජෝශප් ක්‍රීඩකයින්ගේ ග්‍රහණයට ශා. තෝමස් ක්‍රීඩකයෝ නැවතත් නතුවෙති

ගල්කිස්ස ශා. තෝමස් විදුහල ලකුණු  33-10ක් ලෙස පරදමින් මෙවර අන්තර් පාසල් ලීග් රග්බි තරගාවලිය ආරම්භ කිරීමට මරදාන ශා. ජෝශප් විදුහල සමත් විය.

කොළඹ හැව්ලොක්ස් පිටියේදී පැවැති තරගයේ පළමු අර්ධයේදී ශා. තෝමස් ක්‍රීඩකයන්ට දැඩි පීඩනයක් එල්ල කිරීමට ශා. ජෝශප් ක්‍රීඩකයන් සමත් වූ අතර ඒ අනුව ලකුණු 21-05ක් ලෙස ශා. ජෝශප් ක්‍රීඩකයන් ඉදිරියෙන් සිටිමින් පළමු අර්ධය නිමාවට පත් විය.

දෙවැනි අර්ධයේදී ශා. තෝමස් ක්‍රීඩකයන්ගෙන් යම් අභියෝගයක් එල්ල වුවද ඔවුන්ගේ දුර්වල පන්දු පාලනය හමුවේ ලකුණු ලබාගැනීමට තිබූ අවස්ථා කිහිපයක්ම ශා. තෝමස් කණ්ඩායමට අහිමි විය.

මෙම තරගය දෙවිදුහල් අතර වාර්ෂික %ජයතිලක ආර්යා අනුස්මරණ කුසලානය (Lady Jayathilaka Memorial Challenge Trophy) වෙනුවෙන් පැවැත් වූ අතර එය මෙම වසරේදීද තමන් සන්තකයට ගැනීමට ශා. ජෝශප් විදුහල සමත් විය. 

ඡායාරූප- ඉසුරු පෙරේරා