ශ්‍රී ලංකාව තරගාවලිය සමකරයි

සත්කාරක නවසීලන්ත කණඩායම කඩුලු හයකින් පාරාජයට පත්කරමින් දෙරට අතර පැවැති දෙවැනි තරගයෙන් කඩුලු හයක ජයක් ලැබීමට සංචාරක ශ්‍රී ලංකා කණ්ඩායම සමත්විය.

ඒ අනුව දෙරට අතර පැවැත්වෙන තරග හතකින් සමන්විත එක්දින තරගාවලිය තරග දෙකක් අවසානයේදී 1-1ක් ලෙස දෙපිළම සම තත්ත්වයේ පසුවෙයි.

කාසියේ වාසිය දිනාගත් නවසීලන්ත කණ්ඩායම සියල්ලන් දැවී ලකුණු 248ක් රැස්කරනු ලැබීය. ඒ අනුව ශ්‍රී ලංකා කණ්ඩායමට ලකුණු 249ක ඉලක්කයක් හිමිවිය. එම ඉලක්කය කඩුලු හතරක් පමණක් වැයකර පසුකරයාමට ශ්‍රී ලංකා කණ්ඩායම සමත්විය.

ශ්‍රී ලංකා කණ්ඩායම ජයග්‍රහණය කරා රැගෙන ගිය ආරම්භක පිතිකරු තිලකරත්න ඩිල්ෂාන් සිය එක්දින දිවියේ 19වැනි ශතකය වාර්තා කළේය. තරගයේ වීරයා ලෙසද ඩිල්ෂාන් සම්මාන හිමිකරගත්තේය.