ශ්‍රී ලංකාව තෙවැනි තරගයත් පරදියි

දකුණු අප්‍රිකාව 89 - 17 ශ්‍රී ලංකාව

ඔස්ට්‍රේලියාවේ සිඩ්නි නුවර පැවැත්වෙන දැල්පන්දු ලෝක කුසලාන තරගාවලියේ ශ්‍රී ලංකා කණ්ඩායම අද (10දා) මුහුණදුන් මූලික වටයේ අවසන් තරගයෙන් දැල්පන්දු ලෝක ශ්‍රේණිගතකිරීම් 05 වැනි ස්ථානයේ පසුවන ප්‍රබල දකුණු අප්‍රිකාව හමුවේ ගෝල 89 – 17 ක පරාජයක් අත්විඳීමට සිදුවිය.

තරගාවලිය ආරම්භකරමින් පැවැති පළමු තරගයෙන් සිංගප්පූරුව හමුවේ ගෝල 56 – 43 ක් ලෙස පරාජය වූ ශ්‍රී ලංකාව දෙවැනි තරගයෙන් මලාවි රාජ්‍ය හමුවේ ලකුණු 101 – 18 ක් ලෙස දැවැන්ත පරාජයක් අත්විඳීමට සිදුවිය.

ඒ අනුව මූලික වටයේ මුහුණදුන් තරග තුනම පරාජයවීමට ශ්‍රී ලංකාවට සිදුවූ අතර, ඒ හේතුවෙන් කුසලාන වටයේ ඉදිරියට යාමට තිබූ අවස්ථාව අහිමි විය.