ශ්‍රී ලංකා ඉනිම ලකුණු 294ට සීමාවෙයි

සංචාරක ශ්‍රී ලංකා කණ්ඩායම හා සත්කාරක ඉන්දීය කණ්ඩායම අතර කොල්කටා ඊඩ්න් ගාඩ්න්ස් පිටියේ පැවැත්වෙන පළමු ටෙස්ට් තරගයේ සිය පළමු ඉනිම ක්‍රීඩා කළ ශ්‍රී ලංකා කණ්ඩායම ලකුණු 294ක් රැස්කළේය. ඒ අනුව ඉන්දීය පළමු ඉනිමට වඩා ලකුණු 122ක් ශ්‍රී ලංකාව පෙරමුණ ගත්තේය.

ශ්‍රී ලංකා ඉනිමේ ඉහළම ලකුණු ලාභියා වූ රංගන හේරත් පන්දු 105කදී ලකුණු 67ක් රැස්කළේ හතරේ පහර 9ක් සමගිනි. ඊට අමතරව ඇන්ජලෝ මැතිව්ස් හා ළහිරු තිරිමාන්න අර්ධ ශතක රැස්කළහ. 

ඉන්දියාව වෙනුවෙන් මොහොමඩ් සාමි හා භුවනේෂ්වර් කුමාර් කඩුලු 4 බැගින් දවාගත් අතර ඉතරි කඩුලු දෙක උමේෂ් යාදව් දවාගත්තේය.