විස්සයි විස්ස ශූරයන්ට සුබ පතන්න පෙළගැහෙන්න

පන්දුවාර විස්සයි20 ලෝක කුසලානය ජයග්‍රහණය කළ ශ්‍රී  ලංකා කණ්ඩායම අද (08දා) පැමිණීමට නියමිතය. 

සවස 3.00ට ඔවුන් කටුනායකට ළගා වීමට නියමිත අතර ඉන් අනතුරව රථ පෙරහරකින් ගෝල්ෆේස් පිටිය වෙත කැඳවාගෙන ඒමට නියමිතය. පරණ මීගමු පරෙන් මෙම රථ පෙරහර ගමන් කරනු ලබන අතර සීඳුව, කඳාන, මහබාගේ, හැඳල, වත්තල, පෑලියගොඩ, ඔරුගොඩවත්ත, බොරැල්ල, කනත්ත වටරවුම, බෞද්ධාලෝක මාවත, බම්බලපිටිය හා ගාලුපාරෙන් පස්වරු 7.30ට පමණ ගෝල්ෆේස් පිටියට පැමිණීමට නියමිතය.

මෙම ප්‍රදේශවල සිටින ශ්‍රී ලංකා ක්‍රිකට් රසිකයන්ට මග දෙපස රැඳී සිටිමින් ශ්‍රී ලංකා කණ්ඩායමට සුබ පතන්නට එක්වන ලෙස ක්‍රිකට් ආයතනය ඉල්ලා සිටියි. 

ඡායාරූපය ICC ඇසුරෙනි