මැතිව්ස් පරාජය ගැන කියයි

තෙවැනි එක්දින තරගයේ පාරාජයට ශ්‍රී ලංකා කණ්ඩායමේ පන්දු රැකීම, පන්දුවට පහරදීම, හා පන්දු යැවීම යන සෑම අංශයක්ම වගකිව යුතු බවත්, ඊළග තරගයේදී නැවතත නගාසිටීමට බලාපොරොත්තුවන බවත් ශ්‍රී ලංකා කණ්ඩායමේ නායක ඇන්ජලෝ මැතිව්ස් පැවැසීය.සංචාරක පාකිස්තාන කණ්ඩායම හා පැවැති තෙවැනි එක්දින තරගය පාරජයට පත්වීමෙන් පසුව පැවැති මාධ්‍ය හමුවේදී ඔහු මෙම අදහස් දැක්වීය.

"අපේ පිතිකරණය හොඳින් තිබුණෙත් නෑ. පන්දුයවන්නන් වෙනසක් කළෙත් නෑ. පාකිස්තානයෙන් පළමු අර්ධයේදීත්, දෙවැනි අර්ධයේදීත් හොඳින් ක්‍රීඩා කළා. මේ විකට්ටුව හරිම අමාරු විකට්ටුවක්. විකට්ටුව හොඳින් දග කැවුණා. ලකුණු 316ක ඉලක්කයක් හඹා යද්දී අපි අවධානමක් ඇතිව ක්‍රීඩා කරන්න ඕන.

අපේ හැම අංශයක්ම මේ පරාජයට වග කිව යුතුයි. දෙවැනි තරගය හා බැලීමේදී අපි පන්දු රැකීමෙන් තරමක් ඉදිරියට ඇවිත් තියෙනවා. ඔවුන් තරග දෙකකදී ලකුණු 300 සීමාවට ආවා. මේක හැමවෙලේම වෙන්න දෙන්න බෑ.  ඊළඟ තරගයේදී අපි නැගී සිටින්න කටයුතු කරනවා"