ප්‍රේක්ෂකයන් 109318ක් ඉදිරියේ රියල් මැඩ්රිඩ් පරදියි

රියල් මැඩ්රිඩ් කණ්ඩායම හා මැන්චෙස්ටර් යුනයිටඩ් කණ්ඩායම අතර මිචිගන් විශ්වවිද්‍යාල ක්‍රීඩා පිටියේ පැවැති පාපන්දු තරගයකින් ගෝල 3-1 ක ජයක් හිමිකරගැනීමට මෑන්. යුනයිටඩ් කණ්ඩායම සමත්විය. ඒ අනුව ජාත්‍යන්තර කුසලානය සඳහා වන පාපන්දු තරගාවලියේ අවසන් මහ තරගයට සුදුසුකම් ලැබීමට මැන්චෙස්ටර් කණ්ඩායම සමත් විය.

මෙම තරගය නැරඹීමට මිචිගන් විශ්වවිද්‍යාල ක්‍රීඩා පිටියට 109,318 ක පිරිසක් එක්ව සිටි අතර, එය ඇමෙරිකාවේදී පාපන්දු තරගයක් නැරඹීම සඳහා පැමිණි වැඩිම ප්‍රේක්ෂක පිරිස ලෙසින් ඉතිහාසයට එක්විය.මෙම ජයග්‍රහණය නව පුහුණුකරු වෑන් ගාල් යටතේ මැන්චෙස්ටර් යුනයිටඩ් කණ්ඩායම ලැබූ සිවුවැනි ජයග්‍රහණයද වෙයි.