නවසීලන්තයට කඩුලු 05 ක ජයක්

ශ්‍රී ලංකා කණ්ඩායම පරාජය කර හැමිල්ටන්හි සෙඩන් පාර්ක් ක්‍රීඩාංගණයේදී අද (21දා) අවසන් වූ දෙවැනි හා අවසන් ටෙස්ට් ක්‍රිකට් තරගයෙන්ද කඩුලු 05 ක ජයක් ලැබීමට සත්කාරක නවසීලන්ත කණ්ඩායම සමත්විය. ඒ අනුව තරග දෙකකින් සමන්විත ටෙස්ට් තරගාවලිය තරග 2 – 0 ක් ලෙස ජයගැනීමට නවසීලන්තයට හැකිවිය.

නවසීලන්ත කණ්ඩායමට ජයග්‍රහණය සඳහා ලකුණු 189 ක ඉලක්කයක් හිමිව තිබූ අතර, සිව්වැනි දිනට ඊයේ (20දා) තරගය නතර කරන විට කඩුලු 05 ක් දැවී ලකුණු 142 ක් රැස්කරගෙන සිටි ඔවුන් ජයග්‍රහණයට ලකුණු 47 ක් පසු පසින් සිටියේය. ඒ අනුව ඔවුන් අද දිනයේදී එම ඉලක්කය පසුකරගෙන යාමට සමත්විය.

නවසීලන්ත ඉනිම ජයග්‍රහණය කර රැගෙන ගිය කේන් විලියම්සන් නොදැවී ලකුණු 108 ක් රැස්කළේය. තරගයේ වීරයා සම්මානයද ඔහුට හිමිවිය.

ශ්‍රී ලංකා කණ්ඩායම නවසීලන්තය හමුවේ එරටදී පරාජය වූ පස්වැනි ටෙස්ට් තරගාවලිය මෙය වේ. දෙරට අතර පැවති අටවැනි තරගාවලිය මෙයවේ. ඉන් තරග දෙකක් ජය පැරදුමෙන් අවසන්ව ඇති අතර, එක් තරගාවලියක් පමණක් ශ්‍රී ලංකාව ජයගෙන ඇත.

ක්‍රික්ඉන්ෆෝ ලකුණු පුවරුව