නවසීලන්තය තරගය පාලනය කරයි

(UPDATE) නවසීලන්ත පළමු ඉනිමට පිළිතුරු ලෙස සිය ප්‍රතම ඉනිම ක්‍රීඩාකරමින් සිටින ශ්‍රී ලංකා කණ්ඩායම පළමු දිනයට තරගය නිමා කරන විට කඩලු පහකට ලකුණු 78ක් රැස්කරගෙන සිටියි.

නොදැවි පිටියේ රැදී සටින කුමාර් සංගක්කාර ලකුණු 33ක් රැස්කරගෙන සිටියි.

දිනයේ යොමුකළ අවසන් පන්දුවාරයේදී ප්‍රසන්න ජයවර්ධන දැවී ගියේය.

ශ්‍රී ලංක කණ්ඩායම තවත් ලකුණු 143ක් පිටුපසින් සටියි.

සත්කාරක නවසීලන්ත කණ්ඩායමේ ප්‍රථම ඉනිම ලකුණු 221කට සීමා කිරීමට ශ්‍රී ලංකා පන්දු යවන්නෝ අද සමත්වූහ.

ඒ ශ්‍රී ලංකා - නවසිලන්ත දෙවැනි ටෙසට් තරගයේ පළමු දිනයේදීය.

වෙලින්ටන්හි බේසින් රිසව් ක්‍රීඩාංගණයේදී අද (03දා) ආරම්භ වූ දෙවැනි ටෙස්ට් තරගයේ කාසියේ වාසිය දිනාගත් ශ්‍රි ලංකා කණ්ඩායමේ අරයුමෙන් නවසීලන්ත කණ්ඩායම මුලින්ම පන්දුවට පහරදුන්නේය.

මෙම තරගයේදී ශ්‍රී ලංකා කණ්ඩායම වෙනස්කම් තුනක් සමගින් පිටියට පවිසුනේය.

නිරෝෂාන් දික්වැල්ල වෙනුවට දිනේෂ් චන්දිමාල්, ශාමින්ද එරංග වෙනුවට නුවන් ප්‍රදීප්, තරිඳු කෞෂාල් වෙනුවට  රංගන හේරත් කණ්ඩායමට ඇතුළත්වූහ.