තෙවැනි විස්සයි20 තරගය ශ්‍රී ලංකාව පරදියි

විස්සයි20 දෘශ්‍යාබාධිත ක්‍රිකට් තරගාවලියේ ශ්‍රී ලංකාව සහ පාකිස්තාන ක්‍රිකට් තරගයේ කඩුලු 05ක ජයක් හිමිකර ගැනීමට පාකිස්තානු දෘශ්‍යාබාධිත ක්‍රිකට් කණ්ඩායම සමත්විය. දිල්ලි නුවර සිරි ෆොර්ට්හි අද (02දා) මෙම තරගය පැවැත්විණි.

ප්‍රථමයෙන් පන්දුවට පහරදුන‍් ශ්‍රී ලංකා කණ්ඩායම පන්දුවාර 20 අවසානයේ කඩුලු 07ක් දැවී ලකුණු 164ක් ලබාගැනීමට සමත්විය. ශ්‍රී ලංකා කණ්ඩායමේ චන්දන දේශප්‍රිය ලකුණු 46ක් රැස්කළ අතර, රුවන් වසන්ත සහ සුරංග සම්පත් ලකුණු 20 බැගින් ලබාගත්හ.

අනතුරුව ලකුණු 165ක ජයග්‍රාහී ඉනිමක් හඹාගිය පාකිස්ථානු දෘශ්‍යාබාධිත ක්‍රිකට් කණ්ඩායම පන්දුවාර 17යි පන්දු 2කදී තම ජයග්‍රාහී ඉනිම ලබාගැනීමට සමත්විය. එහිදී විශිෂ්ට පිතිහරඹයක නියුතු වූ බඩාර් මුනිර් ලකුණු 42ක් රැස්කිරීමට සමත්විය. එම ඉනිමේ කඩුලු 02ක් බිඳදැමීමට ශ්‍රී ලංකා දෘශ්‍යාබාධිත ක්‍රිකට් ක්‍රීඩක සුරංග සම්පත් සමත්විය.

ෂෙහානි දිල්රුක්ෂිකා