ජාවාලේන් හමුවේ තිහාරිය යූත් පසුබසියි

ජාවාලේන් 3 -1 තිහාරිය යූත්

ඩයලොග් චැම්පියන්ස් ලීග් පාපන්දු තරගාවලිය ආරම්භ කරමින් පැවති තරගයෙන් තිහාරිය යූත් කණ්ඩායම පරාජයට පත් කරමින් ගෝල 3-1 ක ජයක් ලැබීමට ජාවාලේන් කණ්ඩායම සමත් විය. සිටි පාපන්දු සංකීර්ණයේදී පැවති තරගයේදී 'ඒ' කාණ්ඩයේ කෝඩුකාරයින් වූ තිහාරිය යූත් කණ්ඩායමට අභියෝග කිරීම ආරම්භ කළ ජාවාලේන් කණ්ඩායම 20 වැනි මිනිත්තුවේදී පළමු ගෝලය වාර්තා කිරීමට සමත් විය.

කෙසේ නමුත් පළමු අර්ධය අවසන් වනවිට ගෝලයක් වාර්තා කරමින් ගෝල 1-1 ක් ලෙස සම තත්ත්වයේ පසුවීමට තිහාරිය යූත් කණ්ඩායම සමත්  විය.

දෙවැනි අර්ධයේදී ජයග්‍රාහී ගෝල ද්විත්වයක් වාර්තා කළ ජාවාලේන් කණ්ඩායම තරගය අවසන් කළේ ගෝල 3-1 ක් ලෙස ජය තමන් සතු කරගනිමිනි.