කැන්ඩි කෘසේඩර්ස් කඩුලු 05 ක ජයක් ලබයි

සුපිරි පන්දුවාර 20 පළාත් ක්‍රිකට් තරගාවලියේ අද (01දා) උදය වරුවේ පැවති තරගයකින් මහේල උඩවත්ත නායකත්වය ලබාදෙන කුරුණෑගල වොරියර්ස් කණ්ඩායම පරාජය කර කඩුලු 05 ක ජයක් ලැබීමට කැන්ඩි කෘසේඩර්ස් කණ්ඩායම සමත්විය.

පළමුව පන්දුවට පහරදුන් කුරුණෑගල වොරියර්ස් කණ්ඩායම පන්දුවාර 20 අවසානයේ කඩුලු 09 ක් දැවී ලකුණු 154 ක් රැස්කළේය. පිළිතුරු ඉනිම ක්‍රීඩාකළ කැන්ඩි කෘසේඩර්ස් කණ්ඩායම තරගයේ 17.3 වැනි පන්දුවාරයේදී ලකුණු 156/5 ක් රැස්කරමින් ජයග්‍රහණය සම්පූර්ණ කරගත්හ.

මෙහි තවත් තරගයක මේ වනවිට ක්‍රියාත්මක වන අතර, එහිදී හම්බන්තොට ටෘපර්ස් හා ගෝල් ගාඩියන්ස් තරග වදියි.

මෙම තරගාවලියේ මූලික වටයේ තරග පැවැත්වෙන අවසන් දිනය අද වන අතර, අවසන් පූර්ව වටයේ තරග අනිද්දා (03) හා අවසන් මහා තරගය එළබෙන 05 වැනිදා පැවැත්වේ.

ක්‍රික්ඉන්ෆෝ ලකුණු පුවරුව