අත්දැකීම් තියෙන ක්‍රීඩකයන් දක්ෂතා දැක්විය යුතුයි

බංග්ලාදේශයේදී ආරම්භවීමට නියමිත ආසියානු කුසලාන විස්සයි20 ක්‍රිකට් තරගාවලිය සඳහා එක්වීමට ශ්‍රී ලංකා කණ්ඩායම ඊයේ (20දා) දිවයිනෙන් පිටත්විය.

ලසත් මාලිංගගේ නායකත්වයෙන් ශ්‍රී ලංකා කණ්ඩායම ආසියානු තරගාවලියට එක්වෙයි. මෙම කණ්ඩායමම ලෝක කුසලාන තරගාවලිය සඳහාත් නම් කර තිබේ.

"අපිට ඕනම කණ්ඩායමක් පැරදිය හැකි ක්‍රීඩකයන් ඉන්නවා. අපි බලාපොරොත්තුවෙනවා ඒ තරගය ලබාදෙන්න. අපි තරගවලියට රැගෙන යන්නේ ඕනෑම වෙලාවක තරගයකට ක්‍රීඩා කරන්න පුළුවන් ක්‍රීඩකයයන්. නවකයන්ට වඩා අත්දැකීම් තියෙන ක්‍රිඩකයන් දක්ෂතා දැක්විය යුතුයි." යැයි මාලිංග මෙහිදී මාධ්‍ය අමතා පැවැසීය.

තරගාවලියේ ශ්‍රී ලංකා කණ්ඩායම සහභාගිවෙන පළමු තරගය 25දා පැවැත්වීමට නියමිතය. මෙවර ආසියානු කුසලානය පැවැත්වෙන්නේ විස්සයි20 තරගාවලියක් ලෙසිනි.