අතපත්තුට සිම්බාබ්වේ පුහුණු උපදේශක තනතුරක්

සිම්බාබ්වේ ක්‍රිකට් කණ්ඩායමේ බංග්ලාදේශ සංචාරය සඳහා ශ්‍රී ලංකා ක්‍රිකට් කණ්ඩායමේ හිටපු ප්‍රධාන පුහුණුකරුවා වන මාවන් අතපත්තු පිතිකරණ උපදේශකයෙකු ලෙස පත්කරගත් බව සිම්බාබ්වේ ක්‍රිකට් ආයතන වෙබ් අඩවිය පවසයි.

ඊට අමතරව දකුණු අප්‍රිකානු හිටපු වේගපන්දු යවන්නෙකු වූ මකායා නිට්නි වසර 2 ක කාලයක් සඳහා සහාය පුහුණුකරුවෙකු හා පන්දුයැවීමේ අංශභාර ප්‍රධානියා වශයෙන් පත් කර තිබේ.

මෙහිදී හිටපු පන්දුයැවීමේ පුහුණුකරු ඩග්ලස් හොන්ඩෝ සිම්බාබ්වේ ඒ කණ්ඩායමේ පන්දු යැවීමේ පුහුණුකරු ලෙස අනුයුක්ත කිරීමටද සිම්බාබ්වේ ක්‍රිකට් ආයතනය පියවර ගෙන තිබේ.

සිම්බාබ්වේ කණ්ඩායමේ බංග්ලාදේශ සංචාරය ජනවාරි 15 වැනිදායි ආරම්භ වන අතර, ඊට විස්සයි 20 තරග 4 ක් ඇතුළත්ය.