19 න් පහළ ආසියානු කුසලානය ඇෆ්ගනිස්තානයට

අවුරුදු 19න් පහළ ආසියානු කුසලානය තමන් සතු කර ගැනීමට ඇෆ්ගනිස්ථාන කණ්ඩායම සමත්විය. ඒ මැලේසියාවේදී අද (19දා)නිමාවූ තරගාවලියේ අවසන් මහ තරගයේදී පාකිස්තාන කණ්ඩායම ලකුණු 185කින් පරාජයට පත්කරමිනි.

තරගයේ මුලින්ම පන්දුවට පහරදුන් ඇෆ්ගනිස්තාන කණ්ඩායම පන්දුවාර 50 දී කඩුලු 7ට ලකුණු 248ක් රැස්කළේය. ඉක්රම් ෆාසිල් නොදැවී ලකුණු 107ක් රැස්කළේය.

පිළිතුරු ඉනිම ක්‍රීඩා කළ පාකිස්තාන කණ්ඩායමට රැස්කළ හැකිවූයේ ලකුණු 63ක් පමණි. පාකිස්තාන කණ්ඩායමේ ලකුණු 10 සීමාව පසුකළේ පිතිකරුවන් දෙදෙනෙක් පමණි. මුජීබ් සාඩ්‍රාන් කඩුලු පහක් දවාගත්තේය.