මාලඹේට තවත් විරෝධය

මාලඹේ පෞද්ගලික විශ්වවිද්‍යාලයට විරෝධය දක්වමින් වෛද්‍ය පීඨ ශිෂ්‍ය ක්‍රියාකාරී කමිටුව සංවිධානය කළ විරෝධතාවක් අද (13දා) සෞඛ්‍ය අමාත්‍යාංශය ඉදිරිපිටදී පැවැත්විණ.

ලාභ ඉපැයීමේ අරමුණින් ක්‍රියාත්මක ආයතනයක් වන මාලඹේ පෞද්ගලික වෛද්‍ය විද්‍යාලයට වෛද්‍ය සභාවේ ලියාපදිංචියක් පවා නොමැති බවත්, එසේ වුවත් එයට නීත්‍යනුකූලභාවයක් ලබාදීමට පාලකයන් කටයුතු කරන බවත් විරෝධතාවයේ නිරත වූ සිසුහු පවසා සිටියහ.

කොළඹ කේරි විදුහල ඉදිරිපිටින් විරෝධතා පාගමන ආරම්භ කර එම සිසුහු, මරදාන, ටෙක්නිකල් හංදිය, කොළඹ කොටුව, කොම්පඤ්ඤ වීදිය හරහා සෞඛ්‍ය අමාත්‍යාංශය ඉදිරිපිටට පැමිණ විරෝධතාවයේ නිරත වූහ. විරෝධතා පාගමන හේතුවෙන් පාගමන පැවති මාර්ගයේ විශාල රථවාහන තදබදයක්ද පැවතිණි.