නවම් මහ පෙරහරේ සමාරම්භයට රනිල් හා මහින්ද

කොළඹ ගංගාරාම විහාරස්ථානයේ වාර්ෂික නවම් මහ පෙරහරේ අවසන් මහා පෙරහර ඊයේ (22දා) රාත්‍රියේ වීථි සංචාරය කෙරිණි. එහිදී මංගල හස්තිරාජයා මත සධාතුක කරඬුව තැන්පත් කිරීම අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් හා හිටපු ජනාධිපති මහින්ද රාජපක්ෂ මහතාගේ සහභාගීත්වයෙන් සිදු කෙරිණි. 
එම අවස්ථාවට රුවන් විජයවර්ධන, අර්ජුන රණතුංග, රවි කරුණානායක, දයා ගමගේ ඇතුළු මැතිඇමතිවරුන් රැසක් සහභාගි වූ අතර, පෙරහර ආරම්භයට පෙර අග්‍රාමාත්‍යවරයා සහ හිටපු ජනාධිපතිවරයා ප්‍රමුඛ පිරිස මහත් වූ සිනහවකින් මුව සරසාගෙන පිළිසඳරක යෙදුණු ආකාරයද මෙසේ 'අද' කැමරාවේ සටහන් විය.