පාලිතට ඇප - විදුහල්පති මවුවරුන් නොහඳුනති

මීගහතැන්න ප්‍රාථමික පාසලට ළමුන් ඇතුළත් කිරීමේ සිද්ධියට අදාළව රක්ෂිත බන්ධනාගාර ගත කර තිබූ නියෝජ්‍ය අමාත්‍ය පාලිත තේවරපපෙරුම, මවුවරුන් 9 දෙනා ඇතුළු 13 දෙනෙකු රුපියල් ලක්ෂ 10 බැගින් වූ ශරීර ඇපයක් මත මුදාහැරීමට මතුගම මහේස්ත්‍රාත් අධිකරණය නියෝග කළේය.

එසේම සෑම මසකම දිනක් මතුගම සහකාර පොලිස් අධිකාරිවරයා හමුවේ පෙනී සිටින්නැයිද සැකකරුවන්ට නියෝග කළ මතුගම මහේස්ත්‍රාත් කෝසල සේනාධීර මහතා සාක්ෂිකරුවන්ට බලපෑම් කළ බවට තොරතුරු වාර්තා වුවහොත් ඇප අවලංගු කරන බවද සඳහන් කළේය.

මේ අතර හඳුනාගැනීමේ පෙරට්ටුවට ඉදිරිපත් කළ මවුවරුන් 9 දෙනාම හඳුනාගැනීමට විදුහල්පතිට හා ගුරුවරුන් දෙදෙනාට නොහැකිවිය. 

ඡායාරූප ප්‍රදීප් පතිරණ