උපරිම සේවයක් කළා

- 20 07 2016 - 20:32 - {{hitsCtrl.values.hits}} views - එච්.අයි.තුෂාර

තම සේවා කාලය තුළදී පොලිස් නිලධාරියෙකු ලෙස රටට ඉටුවිය යුතු යුතුකම් කොටස ඉටු කළ බව විශ්‍රාමික ජ්‍යෙෂ්ඨ නියෝජ්‍ය පොලිස්පති ගාමිණී නවරත්න මහතා සඳහන් කළේය.

පොලිස් සේවයෙන් විශ්‍රාම ගියත් රටේ නීතිය හා සාමය ඇති කිරීමට අවශ්‍ය උපරිම සහයෝගය ලබාදෙන බවත්, මීට අමතරව සමාජ සේවයේ යෙදෙමින් ජනතාවට උපරිම සේවයක් කරන බවද පවසා සිටියේය.

වසර 34 ක පොලිස් සේවා කාලයකින් පසු ජ්‍යෙෂ්ඨ නියෝජ්‍ය පොලිස්පති ගාමිණී නවරත්න මහතා අද (20දා) පොලිස් සේවයෙන් විශ්‍රාම ගත්තේය. ඒ වෙනුවෙන් පොලිස් ක්‍ෂේත්‍ර බළකා මූලස්ථානයේ සම්මාන ආචාර පෙළපාළියක්ද පැවැත්විණි.