ඇන්ජලී බලන්න අගමැති යයි

නවසීලන්ත අග්‍රාමාත්‍ය ජෝන් කී මහතා පසුගිය පෙබරවාරි මාසයේ ශ්‍රී ලංකාවේ කළ සංචාරය අතරතුරදී ජනාධිපති මෛත්‍රීපාල සිරිසේන මහතා විසින් ප්‍රදානය කළ අන්ජලී නම් ඇත් පැටවා දැක බලා ගැනීමට ශ්‍රී ලංකා අග්‍රාමාත්‍ය රනිල් වික්‍රමසිංහ මහතා ප්‍රධාන දූත පිරිස ඕක්ලන්ඩ් සත්ත්ව උද්‍යානය වෙත ගියහ.

වික්‍රමසිංහ මහතා, මහාචාර්ය මෛත්‍රී වික්‍රමසිංහ මහත්මිය ඇතුළු පිරිස අන්ජලී ඇත් පැටවා සහ ඇයට මාතෘත්වයෙන් සලකන බර්මා ඇතින්න වෙත ගොස් පලතුරු කැවූහ. තිස් දෙහැවිරිදි බර්මා ඇතින්න මියන්මාරයේ උපත ලැබූවෙකි.