අවුරුදු චාරිත්‍ර පිළිබඳව පැන නැගී ඇති ගැටළු සහගත තත්වය නිරාකරණය කිරීමට ආණ්ඩුව කටයුතු නොකරන්නේ නම් අවුරුදු චාරිත්‍ර වලින් ජනතාව ඈත් වීමේ අවධානමක් පවතින බව පිවිතුරු හෙළ උරුමය නායක නීතිඥ උදය ගම්මන්පිල මහතා පවසයි. ඒ මහතා මේ බව සදහන් කර සිටියේ අද දින (2024.04.08) පැවති මාධ්‍ය හමුවක් අමතමිනි.

මුස්ලිම් ප්‍රජාව ඇතුළු ඕනෑම පුද්ගලයෙකුගේ අවසන් කටයුතු සිදු කිරීමේදී ආගමානුකූලව හෝ අවසන් කැමති පත්‍රයට අනුව සිදු කිරීමට අවශ්‍ය කටයුතු සැලසීම සඳහා නව කමිටුවක් පත් කරන බව ජනාධිපති රනිල් වික්‍රමසිංහ මහතා පැවසීය.

කොම්පඤ්ඤවීදිය , විනිසුරු අක්බාර් මාවත හා උත්තරානන්ද මාවත සම්බන්ධ කරමින් දුම්රිය මාර්ගයට ඉහළින් ඉදිකල ද්විත්ව ගුවන් පාලම ජනාධිපති රනිල් වික්‍රමසිංහ මහතා විසින් අද (08) ජනතා අයිතියට පත් කළේය.

අද ශ්‍රී ලංකාවේ රාමසාන් උපවාසය සිදු කළත් ගාසා තීරයේ ඉතා කණගාටු තත්ත්වයක් උද්ගත වී තිබෙනවා. එහි මුස්ලිම් ප්‍රජාව තිස්පන්දහකගේ පමණ ජීවිත අහිමි වී තිබෙනවා.

වැල්ලවාය-බුත්තල මාර්ගයේ වැල්ලවාය නගරය ආසන්නයේ පිහිටි තෙල් පිරවුම්හලක් අසලදී අද අලුයම ටිපර්රථයක් සහ ත්‍රීවීල්රථයක් ගැටීමෙන් සිදුවූ රියඅනතුරකින් අවුරුදු 02 මාස 08 දරුවෙක් මියගොස් ඇතැයි වැල්ලවාය පොලීසිය පවසයි.

එම නව ආර්ථිකය ඇති කිරීමට අදාළ මුලික නීති ලබන මැයි මාසයේදී පාර්ලිමේන්තුවට ඉදිරිපත් කර ජුනි මාසයේදී සම්මත කර ගන්නා බවද ජනාධිපතිවරයා සඳහන් කළේය.

ශ්‍රී ලංකා නිදහස් පක්ෂයේ වැඩ බලන සභාපති වශයෙන් අමාත්‍ය නිමල් සිරිපාලද සිල්වා මහතා පත්කිරීමට එහි දේශපාලන මණ්ඩලය කටයුතු කළේය. පක්ෂයේ දේශභාලන මණ්ඩලය හිටපු ජනපති චන්ද්‍රිකා බණ්ඩාරනායක කුමාරතුංග මහත්මියගේද සහභාගිතිවයෙන් රැස්වූ අවස්ථාවේදී මෙම තීරණය ගෙන තිබේ.

අනුරාධපුර පාදෙණිය ඒ28 ප්‍රධාන මාර්ගයේ තලාව ප්‍රදේශයේදී අද (8දා) සිදුවූ රිය අනතුරකින් තරුණයකු ජීවිතක්ෂයට පත්ව ඇති බව තලාව පොලිසිය පවසයි.

හිටපු සෞඛ්‍ය අමත්‍ය කෙහෙළිය රඹුක්වැල්ල ඇතුළු සැකකරුවන් 06 දෙනා ලබන 22 දක්වා අද (08) යළි රක්ෂිත බන්ධනාගාර ගත කොට තිබෙනවා.

නල්ලතන්නිය පොලිස් වසමට අයත් ලක්ෂපාන වාලමලෙයි හින්දු කොවිලේ පැවති වාර්ෂික උත්සවයකින් පසු වතු කම්කරුවන්ට කොවිලේ දන්සැලෙන් ලබාදුන් ආහාර පාර්සල් අනුභව කල වතු කම්කරුවන් , කුඩා දරුවන් ඇතුළු 120 දෙනෙකු (07) දින රාත්‍රියේ මස්කෙලිය ප්‍රාදේශිය රෝහල වෙත ඇතුලත් කල බව මස්කෙලිය ප්‍රාදේශිය රෝහලේ වෛද්‍යවරයෙකු පැවසිය.

ඔහු ඊයේ 07දා අලුයම් කාලයේ එම පන්සල් පරිශ්‍රයට සැක කටයුතු ලෙස ඇතුළුවී සිටියදී පන්සලේ සිටි පිරිසක් ඔහුට පහර දී අත පය ගැට ගසා ගසක බැඳ දමා සිටියදී මියගොස් තිබුණි.

නීතිවිරෝධී ලෙස ශ්‍රී ලංකාවට ආනයනය කර, තීරු බදු නොගෙවා කටුනායක ගුවන් තොටුපොළෙන් පිට කර ගෙන යමින් සිටි රුපියල් ලක්ෂ පනහක් පමණ වටිනා භාණ්ඩ තොගයක් සමග ඒවා මෙරටට ගෙන ආ ව්‍යාපාරිකයන් දෙදෙනෙකු කටුනායක ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් පිරිසක් විසින් 04/08 දින අත් අඩංගුවට ගෙන තිබේ.

මියගිය දැරිය මව හා පියා සමග පුත්තලම ප්‍රදේශයේ පදිංචිව සිට ඇති අතර මීට මාස පහකට පමණ ඉහතදී මව විදේශගත වීමට පෙර දැරියව සමීප ඥාතිවරියකට නීතිඥවරයෙකු ඉදිරියේදී ගිවිසුමක් මාර්ගයෙන් විදේශගතව සිට නැවත මෙරටට පැමිණෙන තෙක් දැරිය හදා වඩා ගැනීම වෙනුවෙන් මාසිකව රුපියල් 30,000/= ක මුදලක් ලබාදීමේ පොරොන්දුව මත සමීප ඥාතිවරියක වන සැකකාරියට ලබා දී තිබූ බවට පොලිස් විමර්ශනවලදී අනාවරණය වී ඇත.

ශ්‍රී ලංකා පොලීසියට අනුයුක්ත නිලධාරීන් අතුරින් ප්‍රභූ ආරක්ෂක රාජකාරි සඳහා යොදවා ඇති මුළු නිලධාරීන් සංඛ්‍යාව 11,205ක් බවට පාර්ලිමේන්තුවේදී අනාවරණය විය.

බස්නාහිර පලාත් දකුණ අපරාධ කොට්ඨාසයට ලද තොරතුරක් මත මියගිය සැකකරුගේ පාදුක්ක මිරියගල්ල ප්‍රදේශයේ පිහිටි නිවස පොලිස් කණ්ඩායමක් විසින් පරීක්ෂා කර ඇති බවත් එම අවස්ථාවේදී සැකකරු නිවසේ නොසිටි බැවින් පොලිසිය විසින් අංගමුව මංසන්ධියේ මාර්ග බාධකයක් යොදා රථ වාහන පරීක්ෂාවේ යෙදී සිට ඇත.

2022 වර්ෂයේ මාර්තු මාසයේ සිට 2023 වර්ෂයේ මාර්තු මස 31වනදා වන විට අවුරුදු 01ක කාලසීමාව තුළ මූල්‍ය වර්ෂයේ පමණක් රජය ලබා දුන් බදු සහන හේතුවෙන් රුපියල් බිලියන 978ක බදු ආදායමක් රජයට අහිමි වී ඇති බව මුදල් අමාත්‍යාංශය මගින් අප්‍රේල් මස 03වැනිදා නිකුත් කර ඇති රාජ්‍ය කළමනාකරණ වියදම් ප්‍රකාශන වාර්තාවේ සඳහන් වේ.

අද (08දා) දිනයේදී අහසේ දර්ශනය වීමට නියමිත ’යක්ෂයාගේ වල්ගාතරුව’ දැක බලාගැනීමේ දුර්ලභ අවස්ථාවක් ශ්‍රී ලාංකිකයන් වෙත උදා වන බව තාරකා විද්‍යාඥයෝ පවසති. 12P/Pons-Brooks යන විද්‍යාත්මක නාමයෙන් හැඳින්වෙන මෙම වල්ගාතරුව වසර 71කට පසුව මෙලෙස පෘථිවිය පසුකරමින් යයි.

මෙම වසරේ ජනවාරි 01වැනිදා සිට අප්‍රේල් 02වැනිදා දක්වා වූ කාලය තුළ මාර්ග අනතුරු හේතුවෙන් 566දෙනෙකු මිය ගොස් ඇති බවත් ඒ අනුව මෙරට පුද්ගලයන් විසින් සිදු කර ගනු ලබන බරපතළම ඛේදවාචකය මෙය වන බවත් ශ්‍රී ලංකා වෛද්‍ය සංගමය අවධාරණය කරයි.

රේගු බදු නොගෙවා මෙරටට ගෙන්වූ අතිසුඛෝපභෝගි ජීප් රථ 51ක් හේතුවෙන් රජයට රුපියල් කෝටි 300කට අධික පාඩුවක් වී ඇති බවට දැනුම් දෙමින් අල්ලස් කොමිසම කළ ඉල්ලීමකට අනුව එම අති සුඛෝපභෝගි ජීප් රථ 51ක වෙනත් පාර්ශ්වයන්ට පැවරීම වළක්වාලමින් කොළඹ ප්‍රධාන මහේස්ත්‍රාත් ප්‍රසන්න අල්විස් මහතා නියෝගයක් නිකුත් කළේය.

ජේ.ආර්. ජයවර්ධන ජනාධිපතිවරයා සමඟ කටයුතු කරමින්, රණසිංහ ප්‍රේමදාස ජනාධිපතිවරයා යටතේ පක්ෂය ආරක්ෂා කරමින්, ඩී.බී. විජේතුංග ජනාධිපතිවරයා සමඟ ද කටයුතු කර එක්සත් ජාතික පක්ෂයෙන්ම අග්‍රාමාත්‍ය ධූරයට පත්ව, රටේ නායකත්වය කරා තමා පැමිණියේ එක්සත් ජාතික පක්ෂයේ පරපුරක උරුමය සමඟ බව ජනාධිපති රනිල් වික්‍රමසිංහ මහතා පැවසීය.

කූඨ ලෙස සකස් කළ ශ්‍රී ලාංකික ගමන් බලපත්‍රයක් සහ ගුවන් යානා ප්‍රවේශ පත්‍රයක් යොදා ගෙන ඉතාලිය වෙත පළා යාමට තැත් කළ ශ්‍රී ලාංකික තරුණයෙකු 04/05 දින කටුනායක ගුවන් තොටුපොළ ආගමන විගමන දෙපාර්තමේන්තු නිලධාරීන් විසින් අත් අඩංගුවට ගෙන තිබේ.

මුන්දලම කලපුවේ මියගිය මසුන් විශාල ප්‍රමාණයක් දක්නට ඇතැයි මුන්දලම ධීවරයෝ පවසති.

සිංහල දමිළ අලුත් අවුරුද්ද වෙනුවෙන් අස්වැසුම හෝ වෙනත් ප්‍රතිලාභ නොලබන දිළිඳු පවුල් ලක්ෂ 27.5 ක් වෙනුවෙන් සහල් කිලෝ 20 බැගින් ලබා දීමට කටයුතු කරන බවත්, ප්‍රාදේශීය සංවර්ධනය වෙනුවෙන් මුදල් අමාත්‍යාංශය මගින් රුපියල් මිලියන විසි දහසක මුදලක් වෙන්කර ඇති බවත් මුදල් රාජ්‍ය අමාත්‍ය ශෙහාන් සේමසිංහ මහතා පවසයි.

උඩරට නැටුම් කලාව ආරක්ෂා කර ගනිමින් ඉදිරියට පවත්වාගෙන යාම සඳහා ගත යුතු ක්‍රියාමාර්ග පිළිබඳ සොයා බැලීමට කමිටුවක් පත් කරන බව ජනාධිපති රනිල් වික්‍රමසිංහ මහතා පැවසීය.

යාපනය වඩමාරච්චි කට්ටෙයිකාට්ටිල් මුහුදු තීරයේ මසුන් අල්ලමින් සිටි ධීවරයින් පිරිසකගේ මා දැලකට හසුව සිටි ඩොල්ෆින් මසුන් 11 දෙනෙකු බෙරා නැවත් මුහුදුට නදහස්කර යැවීමට වඩමාරච්චි ධීවරයින් පිරිසක් ඊයේ (06) සවස පියවර ගෙන තිබුණි.

රුපියල් ලක්ෂ 60 කට අධික වටිනාකමකින් යුත් රත්තරන් පැළඳ නවීන පන්නයේ කේඩීඒච් වර්ගයේ වෑන් රථයකින් සැකකටයුතු ලෙස ගමන් කරමින් සිටි කුවේට් රටේ දේවාලයක කපුවෙක් බව කියන අයෙකු ඇතුළු තිදෙනෙක් ඉතා මුවහත් අඩි 04 කට ආසන්න දිගින් යුත් සුදු යකඩ කඩුවක්ද සමග අද (07) දහවල් ඇල්පිටිය පොලීසිය මගින් අත් අඩංගුවට ගෙන තිබේ.

මොරගහහේන තල්ගහවිල මාලොස් ඇළ හන්දිය ආසන්නයේදී තීරෝද රථයකින් ගමන් ගත් පුද්ගලයන් දෙදෙනෙකුට මෝටර්රථය කින් පැමිණි පුද්ගලයන් පිරිසක් වෙඩි තබා ඝාතනය කර ඇතැයි මොරගහහේන පොලිසිය කියයි.

ව්‍යවස්ථාව අනුව මෙරට මීලඟට පැවැත්විය යුත්තේ ජනාධිපතිවරණය බවත් නියත වශයෙන්ම මෙරට මීලඟ මැතිවරණය ජනාධිපතිවරණය බව එක්සත් ජාතික පක්ෂයේ මහලේකම් රංගෙ බණ්ඩාර මහතා පවසයි .

කුණ්ඩසාලේ, කටුගස්තොට, පේරාදෙණිය සහ තැන්නේකුඹුර ඇතුලු උප නගර කිහිපයක් සංවර්ධනය කිරීම සම්බන්ධයෙන් ද සාකච්ඡා කර ඇති බවත් රුපියල් කෝටි දෙදහසක් පමණ මුදලක් ඒ සඳහා අවශ්‍ය වන බවත් එම අතිරේක මූල්‍ය ප්‍රතිපාදන ලබා ගැනීම පිළිබඳව ලෝක බැංකුව සමඟ ඉදිරියේදී සාකච්ඡා කරන බව ප්‍රවාහන, මහා මාර්ග හා ජනමාධ්‍ය අමාත්‍ය බන්දුල ගුණවර්ධන මහතා සඳහන් කළේය.