ජනාධිපති රනිල් වික්‍රමසිංහ මහතාට ජනාධිපති ලෙස සිදුකරන අවසාන රාජාසන කතාව සිදු කිරීමට සහ ඉවත් කිරීමට නොහැකි කෝප් සභාපතිවරයාව ඉවත් කිරීම යන කරුණු දෙක මුල් කරගනිමින් පාර්ලිමේන්තුව වාර අවසාන කළ බව සමගි ජන බලවේගයේ පාර්ලිමේන්තු මන්ත්‍රී එස්.එම්.මරික්කාර් මහතා පැවසීය.

දුම්රියෙන් පාර්සල් සහ භාණ්ඩ ප්‍රවාහන ගාස්තු සියයට 80 කට අදික ප්‍රතිශතයකින් ඉහළ දැමූ බවත් එම ගාස්තු ඉහළ දැමීම ලබන පෙරවාරි මස 1 වැනිදා සිට ක්‍රියාතමක වන බවත් දුම්රිය දෙපාර්තමේන්තුව පවසයි.

ජාත්‍යන්තර ක්‍රිකට් කවුන්සිලය විසින් ශ්‍රී ලංකාව වෙත පනවා තිබූ තහනම වහාම ක්‍රියාත්මක වන පරිදි ඉවත්කිරීමට පියවර ගෙන තිබේ.

ඇල්ල නගරයට මේ දිනවල විදේශීය සංචාරකයන් බහුලව පැමිණෙමින් සිටිති .

මාගේ සේවා දායකයාගේ වර්තමාන සැබෑ තත්ත්වය පිළිබඳ මා වාචිකව කියන කරුණු සත්‍ය බව සනාථ කිරීම සඳහා මාගේ සේවා දායකයාගේ ව්වාහ සහතිකය , ඡායාරූප ලෙස තෑන්ක්යූ කාඩ් පත ස්වාමීනී අධිකරණය වෙත ඉදිරිපත් කරනවා , මා පැවසූ සියලු කරුණු කාරණා ගැන සලකා බලා සුදුසු ඇප මත මුදා හරින මෙන් ඉතා ගෞරවයෙන් ඇයද සිටිනවා ස්වාමීනී.

ඇඹිලිපිටිය, ඇල්ලේවැව ජලාශ යෝජනා ක්‍රමයේ සියළු ඉදිකිරීම් අවසන් කර ලබන වසරේ ජලය නිකුත් කිරීමට පියවර ගන්නා බව වාරිමාර්ග, වනජීවි සහ වන සංරක්ෂණ අමාත්‍ය නීතිඥ පවිත්‍රා වන්නිආරච්චි මහත්මිය ප්‍රකාශ කරයි.

’’යුක්තිය ’’ මෙහෙයුම වැඩපිළිවෙල ක්‍රියාත්මක නොවූයේ නම් ශ්‍රී ලංකාව චිකාගෝවක් වීමට ඉඩ තිබූ බව අමාත්‍ය ටිරාන් අලස් මහතා ගම්පහ , නයිවලදී පැවසීය.

දෙමල ජාතික සංධානයේ මහා ලේකම් ඇතුළු විධායක සභාව තෝරා ගැනීම සදහා ඊයේ (27දා) ත්‍රිකුණාමලයේ පැවැති මධ්‍යම කාරක සභා රැස්වීම් නිලවරණය ඉතා උණුසුම් හා කාල ගෝට්ටි මධ්‍යයේ අවසන්වු අතර පත්වු නිලධාරීන් තමන් පිළි නොගන්නා බව එක් පාර්ශවයක් පවසා කලහකාරි ලෙස හැසිරීම නිසා අද (28) දෙමල ජාතික සංධානයේ නව නායකයන්ගේ සහභාගිත්වයෙන් ත්‍රිකුණාමලයේ පැවැත්විමට නියමිතව තිබු පලමු මහජන රැලිය අත්හිටුවීමට සංධාන නායක පාර්ලිමේන්තු මන්ත්‍රී එස්.ශ්‍රි ධරන් මහතා කටයුතු කලේය.

රිය අනතුරකින් මරණයට පත් ජලසම්පාදන රාජ්‍ය අමාත්‍ය සනත්නිශාන්ත පෙරේරා මහතාගේ අද 28 පැවත්වෙන අවමංගල්‍ය උත්සවයේ ආරක්ෂාවට වයඹ පළාතේ තොරාගත් පොලිස්ථාන වල පොලිස් නිළධාරීන් 380ක් යොදවා ඇති බව ආරච්චිකට්ටුවපොලීසිය පවසයි.

ගෑස් ලිපකින් බත් මුට්ටියක් පිසිමින් සිටී පුද්ගලයකු ලිපමත ඇදවැටී පිලිස්සී මියගොස් ඇති බව කළුතර දකුණ පොලිසිය පවසයි .

මෙම හේතුව නිසා අද දවසේ වරාය තුළ නෞකා 24 ක් සඳහා නැංගුරම්පළ පහසුකම් සාදා ඇත. මීට අමතරව වරායෙන් පිටත නැංගුරම්පොළ බලාපොරොත්තුවෙන් නෞකා 10ක් පමණ පොරොත්තුව සිටින බව වාර්තා වෙයි. මෙම තත්ත්වය මත ජනවාරි මාසය තුලදී නෞකා 100ක් පමණ මෙහෙයවීමට ජයබහලු පර්යන්තය(JCT) හා නැගෙනහිර බහලු පර්යන්තය (ECT) සමත්ව ඇත. මෙම බහාලු නෞකාවන්ට අමතරව මගී නෞකා 05ක් ද කොළඹ වරායට පැමිණ ඇත. ජනවාරි මාසය තුළ පමණක් මෙම පර්යන්ත 02ක තුල පමණක් බහලු 193,000ක් මෙහෙයවා ඇති අතර,

උමාඔය ව්‍යාපෘතිය යටතේ මෙගාවොට් 120ක විදුලි ධාරිතාවක් ලබන පෙබරවාරි මස 15 වැනිදා වන විට ජාතික විදුලි පද්ධතියට එකතු කිරීමට අපේක්ෂා කරන බව වාරිමාර්ග රාජ්‍ය අමාත්‍ය ශෂීන්ද්‍ර රාජපක්ෂ මහතා පැවසීය.

2023 වසරේ දෙසැම්බර් මස මහ මැතිවරණයක් පැවැත්වූයේ නම් වැඩිහිටියන්ගෙන් සියයට 39ක ඡන්ද ප්‍රතිශතයක් ලබමින් ජවිපෙ/ජාජවේ ඉදිරියෙන් පසුවන බව සෞඛ්‍ය ප්‍රතිපත්ති කේන්ද්‍රය නිකුත් කළ නවතම මත විමසුමක සඳහන් වෙයි.

ලිට්‍රෝ ගෑස් සමාගමේ 2023 වසරේ ලාභයෙන් රුපියල් බිලියන 1.5ක මුදලක් රාජ්‍ය භාණ්ඩාගාරයට ලබා දීම සඳහා එම සමාගමේ මව් සමාගම වන ශ්‍රී ලංකා රක්ෂණ සංස්ථාවට භාරදීම ජනාධිපති කාර්යාලයේදී සිදු කෙරිණි.

ශ්‍රී ලංකාවේ පුරෝගාමී ආයෝජනය ආයතනයක් වන ෆස්ට් කැපිටල් හෝල්ඩිංග්ස් මෙරට මූල්‍ය සේවා ක්ෂේත්‍රෙය් සුවිශේෂී සන්ධිස්ථානයක් සනිටුහන් කරමින් %First Capital Money Plus Fund^ සේවාව හඳුන්වාදීමට නියමිතව තිබේ. ඒ අනුව එහි මූලියක දැනුවත් කිරීමේ වැඩසටහනක් පසුගියදා (24) දා කොළඹදී පැවැත්වුණි.

2024.02.04 දිනට යෙදී ඇති 76 වැනි ජාතික නිදහස් දින උළෙලට අදාළ පෙරහුරු කටයුුතු එළැඹෙන 30 දි සිට ආරමභ කරන බව පොලිස් මූලස්ථානය පවසයි. ඒ අනුව අදාළ පෙරහුරු කටයුතු පෙබරවාරි මස 03 දා තෙක් පැවැත්වෙනු ඇත. මෙම පෙරහුරු කටයුතු ගාලු මුවදොර පරිශ්‍රයේදී පැවැත්වීමට නියමිතය.

නැගෙනහිර සහ ඌව පළාත්වලත් පොලොන්නරුව, මාතලේ හා නුවරඑළිය දිස්ික්කවලත් විටින් විට වැසි ඇතිවන බව කාලගුණ විද්‍යා දෙපාර්තමේන්තුව පවසයි.

ඇමති සනත් නිශාන්ත මහතා සමග රිය අනතුරින් මිය ගිය ඇමති ආරක්ෂක අංශයේ නිලධාරියා වෙත රුපියල් ලක්ෂ 15ක මුදලක් ලබාදීමට වැඩ බලන පොලිස්පතිවරයා කටයුතු කර තිබේ.

ඉන්දීය ප්‍රිමියර් ලීග තරගාවලියේ කාන්තා තරගාවලිය සඳහා ශ්‍රී ලංකා කාන්තා ක්‍රිකට් නායිකා චමරි අතපත්තුව කැඳවා තිබේ. උත්තර ප්‍ර දේශ් ‌වොරියරස් කණ්ඩායම නියෝජනය කළ ලෝරන් බෙල් වෙනුවට මෙසේ චමරි අතපත්තු කැඳවා තිබේ. අතපත්තු ඇයගේ මූලික මිල වන ඉන්දීය රුපියල් ලක්ෂ 30 (ඇමරිකානු ඩොලර් 36,000 පමණ) වටිනායකමට කණ්ඩායම සමගින් ගිවිසුම් ගතව තිබේ

කාබනික පොහොර නිෂ්පාදන සමාගමක් සඳහා නෞකාවක නරක්වූ මාළු බහාලුම් 98ක් ගොඩබෑමට ශ්‍රී ලංකා රේගුවේ ඉල්ලීමට ආනයන හා අපනයන පාලක බලපත්‍රයක් නිකුත් කරලා - අදාළ සමාගමට ම සැමන් නිෂ්පාදන ආයතනයක් - කෝපා කමිටුවේදී අනාවරණය වෙයි.

කැනඩාවේ රැකියා ලබාදෙන බව පවසා රුපියල් කෝටි 6ට අධික මුදලක් වංචාකල කාන්තාවක් ශ්‍රි ලංකා විදේශ සේවා නියුක්ති කාර්යාංශයේ විශේෂ විමර්ශන අංශයේ නිළධාරීන් විසින් 2024.01.24 දින අත්අඩංගුවට ගෙන තිබේ.

රුපියල් එක් කෝටි තිස් හත් ලක්ෂයක් වටිනා ස්වර්ණාභරණ තොගයක් නීතිවිරෝධී ලෙස ශ්‍රී ලංකාවට රැගෙන එමින් සිටි ව්‍යාපාරික කාන්තාවක් 01/26 දින අලුයම කටුනායක ගුවන් තොටුපොළ පැමිණීමේ පර්යන්තයේ දී පොලිස් මත්ද්‍රව්‍ය නාශක අංශයේ නිලධාරීන් පිරිසක් විසින් අත් අඩංගුවට ගෙන තිබේ.

ජනාධිපති රනිල් වික්‍රමසිංහ මහතා විසින් අද (26) මධ්‍යම රාත්‍රියේ සිට බලපැවැත්වෙන පරිදි ආණ්ඩුක්‍රම ව්‍යවස්ථාවේ 70 (1) ව්‍යවස්ථාව ප්‍රකාරව එතුමාට පැවරී ඇති බලතල අනුව පාර්ලිමේන්තුව වාරාවසාන කරන ලද අතර නවවැනි පාර්ලිමේන්තුවේ පස්වැනි සභාවාරය ලබන පෙබරවාරී 07 වැනිදා පෙ.ව 10.30 ට ආරම්භ කරන ලෙස ප්‍රකාශයට පත් කොට ඇත.

මත්ද්‍රව්‍ය සඳහා ඇබ්බැහිවූවන් ඉන් මිදීම වෙනුවෙන් ප්‍රථිකාර, පුනරුත්ථාපනය සහ උපදේශනය වෙත ස්වේච්ඡාවෙන් ඉදිරිපත් වීමට, විෂ මත්ද්‍රව්‍ය හා අන්තරායකර ඖෂධ භාවිතය වළක්වාලීම සඳහා වන කාර්යය සාධක බළකාය විසින් ක්‍රියාවට නංවා ඇති විශේෂ වැඩපිළිවෙල පිළිබඳව තම අනන්‍යතාවය හෙළිනොකර තොරතුරු දැනගැනීම සඳහා 1927 නමැති විශේෂ ක්‍ෂණික දුරකථන අංකය හඳුන්වා දී තිබේ.

ශ්‍රී ලංකාවෙන් විශේෂයෙන් යුරෝපා සංගමයේ රටවල් වෙත අපනයනය කෙරෙන මත්ස්‍ය නිෂ්පාදන සදහා අවශ්‍ය ’’ ස්වස්තතා සහතික ’’ ( Health Certificate ) නිකුත් කිරීම සදහා දවසේ පැය 24 පුරා ක්‍රියාත්මක කාර්යාලයක් කටුනායක ගුවන් තොටුපොළ ගුවන් භාණ්ඩ ගැල් ගම්මානයේ 01/26 දින පස්වරුවේ ධීවර අමාත්‍ය ඩග්ලස් දේවානන්ද සහ රාජ්‍ය අමාත්‍ය පියල් නිශාන්ත ද සිල්වා යන මහත්වරුන් විසින් විවෘත කිරීම සිදු විය .

අසල්වාසියෙකු විසින් තියුණු ආයුධයකින් එල්ල කරන ලද ප්‍රහාරයකින් වම් අත වෙන්වනසේ කැපි බරපතල තුවාල ලබා රෝහල් ගතව සිටි 33 හැවිරිදි පුද්ගලයෙකු අද උදේ කොළඹ ජාතික රෝහලේ දී මියගොස් ඇතැයි ඌරගස්මංහන්දිය පොලිසිය කියයි.

දුම්රියෙන් ගමන් කරමින් සිටියදී සෙල්ෆි ඡායාරූපයක් ගැනීමට උත්සාහ කළ රුසියානු ජාතික කාන්තාවක් අද 26 ඇල්ල ගල්බිංගය අසලදී දුම්රියෙන් ඇද වැටී බරපතල තුවාල ලබා දෙමෝදර මූලික රෝහලට ඇතුළත් කළ බව ඇල්ල පොලිසිය කියයි.

කොස්ලන්ද වැල්ලවාය ප්‍රධාන මාර්ගයේ බිබිලේවෙල දේවාලයට නුදුරින් 212/7 බෝක්කුව අසලදී ඊයේ (25) රාත්‍රි ත්‍රීරෝද රථයක් මාර්ගයෙන් ඉවතට පැන අඩි 150ක පමණ ප්‍රපාතයකට පෙරලී යාමෙන් කාන්තාවක මියගොස් කුඩා දරුවන් ඇතුලු පස්දෙනෙකු බරපතළ තුවාල ලබා වැල්ලවාය මූලික රෝහලට ඇතුළත් කළ බව කොස්ලන්ද පොලිසිය පවසයි.

කඹුරුපිටියේ හෝටලයක සේවය කරන මිතුරන් පස් දෙනකු ඊයේ (25) දහවල් තංගල්ල, කුඩාවැල්ල මෝදර වැල්ලේ දිය නෑමට ගොස් තිබූ ඇති අතර ,ඉන් තිදෙනකු දිය නෑමට මුහුදට බැස ඇත.මොවුන් දියරැලකට හසුවී ගසාගෙන ගොස් ඇති අතර ගසාගෙන යන පුද්ගලයන් දුටු ප්‍රදේශවාසීන්ට ඉන් එක් අයකු බේරාගැනීමට හැකිව තිබූ බව තංගල්ල මූලස්ථාන පොලීසිය පවසයි.