ඇලයාපත්තුව පොලිස් වසමේ ගල් කඩවල ප්‍රදේශයේ අඹ වත්තකට අයුතු ලෙස ඇතුළු වී අවස්ථා හතරකදී ලක්ෂ 12ක් වටිනා ටී.ජේ.සී. වර්ගයේ අඹ කිලෝ 6000ක් සොරකම් කල බව කියන පුද්ගලයෙකු පෙරේදා (29 දා) සැකපිට අත්අඩංගුවට ගත් බව ඇලයාපත්තුව පොලිසිය පවසයි.

සුසිල් ප්‍රේමජයන්ත සහ රොෂාන් රණසිංහ යන මැතිතුමන්ලා දැන් වෙනම සන්ධාන ඇති කරගෙන තිබෙනවා . මේ අය තමයි මීට පෙර මහින්ද රාජපක්ෂ මැතිතුමාට ඉල්ලා අස්වෙන්න කියලා බලපෑම් කලේ. එදා ඉල්ලා අස්වෙන්න කියලා බලපෑම් කල අය දැන් දෙකට බෙදිලා වෙන වෙනම සන්ධාන හදාගෙන රැලි පවත්වනවා . අපිත් එක්ක එකට ඉන්න බැරි අයට බෙදිලා ගිහිල්ලත් ඉන්න බැහැ.ඒ අයගෙත් වෙනම දේශපාලන මතයක් ඇති .ඒක ප්‍රකාශ වෙන්නත් ඕනා . කෙසේ වෙතත් මේක ප්‍රජාතන්ත්‍රවාදයේ හොද ලක්ෂණයක්. අලුත් පක්ෂ නිර්මාණය වෙන්න

සංචාරක ඇෆ්ගනිස්ථාන කණ්ඩායම සමගින් පැවැත්වීමට නියමිත ටෙස්ට් තරගය සඳහා නවක ක්‍රීඩකයන් තිදෙනෙකුගෙන් සමන්විතව ශ්‍රී ලංකා ටෙස්ට් සංචිතය ප්‍රකාශයට පත්කර තිබේ.

ලංවිම විදුලි පාරිභෝගිකයන් සඳහා ක්‍රියාත්මක කරන ලද පියැසි මත සූර්ය පැනල සවිකිරීමේ ක්‍රමවේදය (Rooftop Solar Scheme) යටතේ 2023 වසර තුල දී පමණක් විදුලි ඒකක මිලියන 630 ක් (630 million units) ජාතික පද්ධතියට එක් කර ඇති බව ලංකා විදුලිබල මණ්ඩලය ඉතා සතුටින් දැනුම් දෙයි.

වාරිමාර්ග හා ජල සම්පත් කළමනාකරණ රාජ්‍ය අමාත්‍යවරයා ලෙස ශෂේන්ද්‍ර රාජපක්ෂ මහතා ජනපති රනිල් වික්‍රමසිංහ මහතා ඉදිරියේ දිවුරුම් දී තිබේ. ශෂීන්ද්‍ර රාජපක්ෂ මහතා මීට පෙර වාරිමාර්ග රාජ්‍ය අමාත්‍යවරයා ලෙස කටයුතු කළ අතර පසුගියදා අභාවප්‍රාප්ත වූ සනත් නිශාන්ත මහතා දැරූ ජල සම්පත් කළමණාකරණ රාජ්‍ය අමාත්‍යධුරය ශෂීන්ද්‍ර රාජපක්ෂ මහතාට හිමිව තිබේ.

ජනතාවගේ ඉඩම් අයිතිය සුරක්ෂිත කිරීම වෙනුවෙන් ජනාධිපති රනිල් වික්‍රමසිංහ මහතාගේ සංකල්පය මත ක්‍රියාත්මක කරන උරුමය වැඩසටහනේ පළමු අදියර යටතේ ලබාදීමට නියමිත නිදහස් ඔප්පු දස දහස මේ වන විට සකස් කර අවසන්ව ඇතැයි සංචාරක හා ඉඩම් අමාත්‍යාංශය සඳහන් කරයි.

රාජ්‍ය අමාත්‍ය සනත් නිශාන්ත මහතාගේ අභාවයෙන් පුරප්පාඩු වූ පාර්ලිමේන්තු මන්ත්‍රී ධුරය සඳහා එල්.කේ. ජගත් ප්‍රියංකර මහතා පත් කිරීමට අදාළ අතිවිශේෂ ගැසට් නිවේදනය නිකුත් කර තිබේ.

’’රජයේ සේවකයෝ තමයි ඉතාමත් අසීරුවෙන්ම දැන් ජීවත් වෙන්නේ, අද රජයේ සේවකයාට වඩා පොල් කඩන මනුස්සයත් ඉතා හොඳින් ජීවත් වෙනවා’’ යැයි ශ්‍රී ලංකා නිදහස් පක්ෂ ජාතික සංවිධායක, පාර්ලිමේන්තු මන්ත්‍රී දුමින්ද දිසානායක මහතා පැවසීය.

බෙලිඅත්ත පොලිස් වසමේ සිදු කළ පංච පුද්ගල ඝාතනයට ආධාර දුන් සැකකරුවන් තවත් සැකකරුවන් තිදෙනෙක් අත්අඩංගුවට ගෙන තිබේ.

කරුවලගස්වැව තබ්බෝව ධීවර ගම්මානය ප්‍රදේශයේදී 30 දින රාත්‍රී සිදුවී ඇති වෙඩි තැබීමකින් තුවාල ලැබූ පුද්ගලයෙකු ප්‍රතිකාර සඳහා පුත්තලම මූලික රෝහලට ඇතුළත්කර ඇතැයි කරුවලගස්වැව පොලීසිය කියයි.

ඇෆ්ගනිස්තාන ක්‍රිකට් කණ්ඩායම ශ්‍රී ලංකාවේ ටෙස්ට් තරගයකට ,එක් දින සීමිත ඕවර් 50 තරග 03 කට සහ විස්සයි විස්ස තරග 03 කට සහභාගී වීම සදහා 01/30 දින රාත්‍රී කටුනායක ගුවන් තොටුපොළ වෙත පැමිණියහ .

මහා පරිමාණයේ මත්ද්‍රව්‍ය ජාවාරමේ නියුතූ ’’ රත්මලාන කොටියා ’’ නමැති පුද්ගලයකු අලෙවියට සන්තකයේ තබාගන සිටි අයිස් මිලිග්‍රෑම් 5300 ක් සමග ගල්කිස්ස කොට්ඨාශ අපරාධ විමර්ශන කාර්යාංශය මගින් අත්අඩංගුවට ගෙන ඇතැයි පොලීසිය පැවසීය.

රාජ්‍ය අමාත්‍ය සනත් නිශාන්ත මහතා හා පොලිස් නිලධාරියෙකුට මරු කැඳවමීන් කටුනායක කොළඹ අධිවේගී මාර්ගයේ සිදුවූ මාරක රිය අනතුරින් අනතුරුව අධිවේගී මාර්ග භාවිත කිරීමේදී නව නීති රීති මාලාවක් ගැසට් මගින් ඉදිරිපත් කිරීමට රජය අවධානය යොමුකර තිබේ.

ඉන්දියානු ණය යෝජනා ක්‍රමය යටතේ ව්‍යාජ ලේඛන සකස් කර පිළිකා රෝගීන් සඳහා භාවිතා කරන ‘රිටොක්සි මැප්’ නමැති ප්‍රමිතියෙන් තොර ප්‍රතිදේහ එන්නත් ආනයනය කර දිවයිනේ රජයේ රෝහල්වලට බෙදා හැරීම මඟින් රුපියල් කෝටි 11ක වංචාවක් කළැයි කියන සිද්ධිය සම්බන්ධයෙන් අල්ලස් කොමිසම විමර්ශනයක් ආරම්භ කර ඇත.

මාලදිවයිනේ ප්‍රවාහන සහ ගුවන් සේවා අමාත්‍ය කපිතාන් මොහොමඩ් අමීන්( Capt. Mohamed Ameen) මහතා සහ වරාය නාවික හා ගුවන්සේවා අමාත්‍ය නිමල් සිරිපාල ද සිල්වා මහතා අතර විශේෂ සාකච්චාවක් අද ( 30 ) දින පෙරවරුවේ අමාත්‍ය කාර්යාලයේදී පැවැත්විණ.

එසේම ජපන් භාෂා ප්‍රවීණතා විභාගය සමත්වූවන් 10,000ක් විදේශගත කිරීම සිදු කරන බව ද තවත් විදේශ රැකියා ලක්ෂයක් මෙම වසරේ ලබාදීමට සැලසුම් කරන බව ද රාජ්‍ය අමාත්‍යවරයා සඳහන් කළේය.

එළඹෙන පෙබරවාරි 05 වෙනි සඳුදා දිනය කොළඹ කොටස් වෙළෙඳපොළ නිවාඩු දිනයක් ලෙසින් ප්‍රකාශයට පත් කර තිබේ.

2024 ජනවාරි මාසයේ පළමු දින 28ක කාලය තුළ ශ්‍රී ලංකාවට සංචාරකන් 189 574ක් පැමිණ තිබේ. 2023 වසරේ ජනවාරි මාසය තුළදීම ශ්‍රී ලංකාවට පැමිණ තිබුණ සංචාරකයන් සංඛ්‍යාව 102545කි.

ටොයෝටා සමාගම 2023 වසරේදී ලොව පුරා මෝටර් වාහන ඒකක මිලියන 11.23ක් අලෙවි කර තිබේ. ටොයෝටා සමාගම යටතේ පවතින ඩයිහට්සු මෝටර් සමාගම සහ ට්‍රක් රථ නිෂ්පාදක හිනෝ සමාගම විසින් නිපදවා අලෙවි කළ මෝටර් වාහන ඒකක ප්‍රමාණයද මෙම අගයට ඇතුළත් කර තිබේ.

තම ස්වාමිපුරුෂයාගෙන් හිස් වූ දේශපාලන නායකත්වය භාරගන්නැයි පුත්තලමේ ජනතාව මෙන්ම පක්ෂයෙන්ද ඉල්ලීමක් කරන්නේ නම් ඉදිරියේදී ඇතැම් විට තමා ඒ පිළිබඳව සලකා බැලීමට ඉඩ තිබෙන බව අභාවප්‍රාප්ත රාජ්‍ය අමාත්‍ය අමාත්‍ය සනත් නිශාන්ත මහතාගේ බිරිඳ වන චමරි ප්‍රියංකා පෙරේරා මහත්මිය සඳහන් කළාය.

ටික් ටොක් දැමීම සඳහා ජංගම දුරකථනයෙන් වීඩියෝ කරමින් යතුරුපැදි ධාවනය කල තරුණයන් දෙදෙනෙක් හොරණ කෝරලඉම ප්‍රදේශයේදී මෝටර් රථයක ගැටී අනතුරට ලක්වූ බව මොරගහහේන පොලිසිය කියයි.

ලංකා විදුලිබල මණ්ඩලය විදුලි පාරිභෝගිකයන්ට සිය විදුලි බිල්පත් ගෙවීම සඳහා ක්‍රමවේදයන් කිහිපයක් හඳුන්වා දී ඇත.

76 වැනි නිදහස් සැමරුම වෙනුවෙන් ගාලුමුවදොර පිටියේ පැවැත්වෙන පැරශුට් පෙරහුරුවේදි පැරශුට් නිසි පරිදි ක්‍රියාත්මක නොවීම හේතුවෙන් පැරශුට් භටයන් සිවු දෙනෙක් තුවාල ලබා රෝහල් ගත කර තිබේ. මෙසේ සුළු තුවාල ලබා ඇත්තේ ගුවන් හමුදා පැරශුට් බටයන් දෙදෙනෙකු හා යුද හමුදා පැරෂුට් භටයන් දෙදෙනෙකි.

මහනුවර නගරයේ පදික වෙළදාම් සිදු කරන වෙළෙදුන්ට විකල්ප ස්ථාන හදුනාගෙන ඒ සදහා අවශ්‍ය පියවර ගන්නා ලෙසත් කාල පමාව නිසා ගැටලු රැසක් මේ වන විට පැන නැගි ඇති බවත් ඒ සදහා කඩිනම් විසදුම් සොයන ලෙස මධ්‍යම පළාත් ආණ්ඩුකාර නිතිඥ ලලිත් යු. ගමගේ මහතා අදාළ නිලධාරින්ට 29දා උපදෙස් ලබා දුන්නේය.

76 වැනි ජාතික නිදහස් උත්සවයට පෙරාතුව පැවැත්වෙන පෙරහුරු අද (30දා) සිට ආරම්භ කිරීමට නියමිතය. ඒ අනුව අද දිනයේ සිට එළැඹෙන 3 දා තෙක් කොළඹ අවට විශේෂ රථවාහන සැලැස්මක් ක්‍රියාත්මක කරන බව පොලීසිය පවසයි.

2023 දෙසැම්බර් මාසයට අදාළව ජනාධිපතිවරණ ඡන්ද අභිප්‍රාය මත ඇස්තමේන්තු අනුව ජාතික ජන බලවේගය/ජනතා විමුකිති පෙරමුණේ නායක අනුර කුමාර දිසානායක මහතාට වැඩිහිටියන්ගෙන් සියයට 50ක ප්‍රතිශතයක් සහායක් ලබමින් ඉදිරියෙන් පසුවෙන බව සෞඛ්‍ය ප්‍රතිපත්ති ආයතනය කළ සමීක්ෂණයක දැක්වෙයි.

බෙලිඅත්ත පොලිස් වසමේ දක්ෂිණ අධිවේගී මාර්ග පිවිසුම ආසන්නයේ දී පුද්ගලයින් පස්දෙනෙක් වෙඩිතබා ඝාතනය කිරීමේ සිදුවීමට සැකකාරියන් දෙදෙනෙක් ඊයේ(29) අත්අඩංගුවට ගෙන ඇති බව පොලීසියෙන් කියයි.

ලංකා විදුලිබල මණ්ඩලය විසින් 3.34%ක විදුලි ගාස්තු අඩු කිරීමක් යෝජනා කර තිබුණ ද, 20% - 25% අතර අගයකින් පහසුවෙන් ම විදුලි ගාස්තු අඩු කළ හැකි බවට මහජන උපයෝගිතා කොමිසම විසින් සිය අදහස් හා යෝජනා ලබාදීමේ දී නිරීක්ෂණය කර ඇතැයි වාර්තා වේ.

එක්සත් ජනතා නිදහස් සන්ධානයේ බුලත් කොළය ලකුණ වෙනුවට පුටුව ලකුණින් නව සන්ධානයක් පිහිටුවීමට ශ්‍රී ලංකා නිදහස් පක්ෂය ඊයේ (29දා) තීරණය කර තිබේ.